பனிரெண்டாம் வகுப்பு சிலப்பதிகாரம்
பனிரெண்டாம் வகுப்பு சிலப்பதிகாரம்
- சிலப் பதிகாரம் தமிழிலுள்ள ஐம்பெருங்காப்பியங்களுள் தலையாயது.
- சிலப்பதிகாரத்தில் உள்ள காண்டங்கள் = மூன்று.
- சிலப்பதிகார காண்டங்கள் = புகார்க் காண்டம், மதுரைக்காண்டம், வஞ்சிக்காண்டம்.
- சிலப்பதிகாரத்தில் உள்ள மொத்த காதைகள் = 30.
- சிலப்பதிகாரத்தில் உள்ள முதல் காதை = மங்கல வாழ்த்துப் பாடல்.
- சிலப்பதிகாரத்தின் இறுதி காதை = வரந்தருகாதை.
JOIN OUR TELEGRAM CHANNEL – T.ME/TNPSC_WINNERS
சிலப்பதிகாரம் சிறப்புப் பெயர்கள்
- முத்தமிழ்க் காப்பியம்
- உரையிடையிட்ட பாட்டுடைச் செய்யுள்
- நாடகக் காப்பியம்
- தமிழின் முதல் காப்பியம்
- பைந்தமிழ் காப்பியம்
சிலப்பதிகார பெயர்க் காரணம்
- கண்ணகியின் காற்சிலம்பு காரணமாக வளர்ந்த கதையாதலினால் (சிலம்பு + அதிகாரம்) சிலப்பதிகாரம் என்று பெயர் சூட்டப்பட்டது.
தமிழின் முதல் காப்பியம்
- தமிழின் முதல் காப்பியம் என்று அழைக்கப்படுவது = சிலப் பதிகாரம்.
சிலப்பதிகாரம் கூறும் மூன்று உண்மைகள்
- அரசியல் பிழைத்தோர்க்கு அறம் கூற்றாவதூஉம்
- உரைசால் பத்தினிக்கு உயர்ந்தோர் ஏத்தலும்
- ஊழ்வினை உருத்துவந்து ஊட்டும் என்பதூஉம்
இளங்கோவடிகள் ஆசிரியர் குறிப்பு
- சிலப்பதிகாரத்தின் ஆசிரியர் சேர இளவரசர் இளங்கோவடிகள் ஆவார்.
- இமயவரம்பன் நெடுஞ்சேரலாதனுக்கும் சோழன் மகள் நற்சோணைக்கும் மகனாகத் தோன்றியவர்.
- சேரன் செங்குட்டுவன் என்ற சேர அரசன் இவர்க்குத் தமையன் முறை என்றும் அவனுக்கு அரசுரிமையைத் தருதற்கே இவர் துறவு பூண்டார் என்றும் வழிவழிச் செய்திகள் கூறுகின்றன.
- காலம் கி.பி. இரண்டாம் நூற்றாண்டு.
சிலப்பதிகார உரையாசிரியர்கள்
- சிலப்பதிகார நூலுக்கு உரையெழுதிய பழைய உரையாசிரியர்கள் இருவர்.
- ஒருவர் அரும்பதங்களுக்கு மட்டும் உரைவழங்கிய அரும்பத உரைகாரர். (நூல் முழுமைக்கும் அரும்பத உரை உண்டு).
- மற்றொருவர் விளக்கமாக உரை எழுதிய அடியார்க்கு நல்லார். (இவர் உரை, நூல் முழுமைக்கும் கிடைக்கவில்லை)
- இக்காலத்தே வாழ்ந்த ந.மு.வேங்கடசாமி நாட்டார் உரை நூல்முழுமைக்கும் உள்ளது.
இரட்டைக் காப்பியங்கள்
- இரட்டைக் காப்பியங்கள் எனப்படும் நூல்கள் = சிலப் பதிகாரம், மணிமேகலை.
- “மணிமேகலை மேல் உரைப் பொருள் முற்றிய சிலப்பதிகாரம் முற்றும்” என்று இந்நூல் நிறைவு பெறுவதனால் மணிமேகலையையும் சிலப்பதிகாரத்தையும் இரட்டைக் காப்பியங்கள் என்பர்.
- மணிமேகலையை இயற்றிய மதுரைக் கூலவாணிகன் சீத்தலைச் சாத்தனார், இளங்கோவடிகளை ‘முடிகெழு வேந்தர் மூவர்க்கும் உரியது; அடிகள் நீரே அருளுக’ என்று வேண்டிக் கொள்ள, அடிகளும் “நாட்டுதும் யாமோர் பாட்டுடைச் செய்யுள்” என்று முன்வந்து இக்காப்பியத்தை ஆக்கியளித்தார் என்பது பதிகத்தின் வாயிலாக அறியவருகிறது.
சிலப்பதிகாரம் சிறப்புகள்
- பாரதியார் இந்நூலின் அருமை பெருமைகளை உணர்ந்து, “நெஞ்சையள்ளும் சிலம்பு”, எனப் புகழ்ந்துள்ளார்.
- கவிமணி தேசிகவிநாயகம்பிள்ளை, ‘தேனிலே ஊறிய செந்தமிழின் சுவை தேறும் சிலப்பதி காரம், எனப் பாராட்டியுள்ளார்.
- பலராலும் மனமாரப் பாராட்டப் பெறும் பைந்தமிழ்க்காப்பியமாகச் சிலப்பதி காரம் திகழ்கிறது.
ஊர்சூழ்வரி என்றால் என்ன
- ஊர்மக்கள் சூழ இருக்க, கண்ணகி உரைத்தனவற்றைக் கூறுவது ஊர்சூழ்வரி.
- வரி என்பது இசைப்பாடல் வகையது.
- புகார் நகர வணிகர் மாசாத்துவான் மகன் = கோவலன்,
- புகார் நகர வணிகர் மாநாய்கன் மகள் = கண்ணகி.
- “தலைக்கோலரிவை” என்ற பட்டம் பெற்றவள் = மாதவி.
- கோவலனுக்கும் மாதவிக்கும் பிறந்த மகள் = மணிமேகலை.
- இந்திரவிழா நிகழ்வின்போது மாதவி பாடிய கானல் வரிப்பாடல்களால் பிணக்குற்று அவள்மீது கோவலன் ஐயமுற்றுப்பிரிந்து கண்ணகியின்பால் திரும்பினான்.
- கண்ணகியின் காற்சிலம்பை முதலாகக் கொண்டு மதுரை நகரிலே பொருளீட்டக் கருதிக் கோவலன் கண்ணகியோடு புகார் நகரை விட்டு நீங்கினான்.
- சமணத்துறவி = கவுந்தியடிகள்.
- கோவலனும், கண்ணகியும் மதுரை வந்து அடைந்த இடம் = புறஞ்சேரி.
- கோவலனும் கண்ணகியும் யாரிடம் அடைக்கலப்படுத்தப்பட்டனர் = ஆயர்குலப் பெண்ணாகிய மாரியிடம் அடைக்கலப்படுத்தப்பட்டனர்.
- “சீறடிச்சிலம்பின் ஒன்றுகொண்டு யான்போய் மாறிவருவன்; மயங்காது ஒழிக” என்று கூறியவன் = கோவலன்.
- “அவனைக் கொன்று அச்சிலம்பு கொணர்க ஈங்கு” என்று கூறியவன் = பாண்டிய மன்னன்.
- ஆயர்முதுமகள் = மாதரி.
- முடுகு என்னும் சொல்லின் பொருள் = நெடில்.
அருஞ்சொற்பொருள்
- வெய்யோன் = கதிரவன்
- ஈர்வளை = அறுத்துச் செய்யப் பெற்ற வளையல்
- இலங்கு = ஒளிருகின்ற
- தோளி = தோளையுடைய கண்ணகி
- முறை = நீதி
- நிறை = கற்பு
- ஈதொன்று = இஃது அச்சிலம்பின் மற்றொன்று
- படுகாலை = மாலைக்காலம்
- உறாதது = பிறர் அடையாத துன்பம்
- உற்றேன் = யான் அடைந்தேன்
- ஈதொன்று = இஃது என்வினைப் பயனால் யான்உற்ற ஒருதுன்பம்
- விலைப்பொருட்டு = உரிய விலை கொடாது தாம் கவர்ந்து கொள்ளும் பொருட்டு; (விலைப்பொருள் கொடுப்பதற்கு ஈடாக)
- ஈதொன்று = இதுவோர் புதுமை
- மாதர் = காதல்
- மாதர்த் தகைய மடவார் = கணவர் காதலிக்கும் பண்புடைய மகளிர்
- தீதறு நல்லுரை = குற்றமற்ற இனிய மொழி
- ஈதொன்று = இஃது என் சூளுரை
- நோதக்க செய்தாள் = வருந்தத்தக்கன செய்தாள்
- எள்ளல் = இகழ்க
- இதுவொன்று = இது நுமக்கு ஒரு வாய்ப்பு
- அல்லலுற்று = வருத்தமுற்று
- ஆற்றாது = தாங்கமாட்டாது
- மல்லல் = வளம்
- என்கொல் = என்ன காரணத்தால் நிகழ்ந்ததோ
- கொற்றம் = அரசியல்
- நம்பொருட்டால் = நம்மைக்கெடுத்தற் பொருட்டாக
- வம்பப் பெருந்தெய்வம் = புதியதாக வந்த பெரிய தெய்வம்
- ஐஅரி உண்கண் = அழகிய செவ்வரிபடர்ந்த, மையுண்டகண்கள்
- தெய்வமுற்றாள் போலுந்தகையள் = தெய்வம் ஏறியவள் போல் ஆயினாள்
- இனைந்து = வருந்தி
- கம்பலைமாக்கள் = ஆரவாரித்துத்திரியும் மக்கள்
- புல்லென்மருள்மாலை = ஒளிமழுங்கித் தோன்றும் மாலை
- பூசலிட = அழுதுபுலம்பி அரற்ற
- கொழுநர் = கணவர்
- வைவாள் = கூரியவாள் (இங்கே நடுவு நிலைமை)
- தப்பிய = தவறிய
- வாண்முகம் = ஒளிபொருந்திய முகம்
- கன்றியது = கன்றிப்போயிற்று
- மாற்ற = துடைக்க
- பழுது = உடல்
இலக்கணக்குறிப்பு
- ஈர்வளை = வினைத்தொகை
- கையேந்தி = ஏழாம் வேற்றுமைத் தொகை
- காற்சிலம்பு = ஏழாம் வேற்றுமை உருபும் பயனும் உடன் தொக்கதொகை
- நல்லுரை = பண்புத்தொகை
- எள்ளல் = அல்லீற்று வியங்கோள் வினைமுற்று
- நெடுந்தகை, தண்குடை, செங்கோல் = பண்புத்தொகைகள்
- பொற்சிலம்பு = மூன்றாம் வேற்றுமை உருபும் பயனும் உடன் தொக்க தொகை
- உண்கண் = வினைத்தொகை
- கொல் = இடைச்சொல் ஐயப்பொருளில் வந்தது
- தூற்றும் குடி = செய்யும் என்னும் வாய்பாட்டுப் பெயரெச்சம்
- மாமதுரை, மல்லல் மதுரை = உரிச்சொற்றொடர்கள்
- காணான் = எதிர்மறை ஆண்பால் வினைமுற்று
- மாஞாலம், மாமலை = உரிச்சொற்றொடர்கள்
- ஒளிப்ப = செயவென் வாய்பாட்டு வினையெச்சம்
- ஈன்ற குழவி = இறந்தகாலப் பெயரெச்சம்
- தாங்குறூஉம், வளர்க்குறூஉம் = இன்னிசையளபெடைகள்;
- வைவாள் = உரிச்சொற்றொடர்
- தழீஇ = சொல்லிசையளபெடை
- நிறைமதி = வினைத்தொகை
- வளைக்கை = இரண்டாம் வேற்றுமை உருபும் பயனும் உடன் தொக்க தொகை