10TH TAMIL எழுத்து சொல்

10TH TAMIL எழுத்து சொல்

• மொழியைத் தெளிவுறப் பேசவும் எழுதவும் உதவுவது இலக்கணம்.
• மொழியின் சிறப்புகளை அறியவும் இலக்கணம் துணை செய்யும்.

சார்பெழுத்து எத்தனை வகைப்படும்

• சார்பெழுத்து பத்து வகைப்படும். அவை,
  • உயிர்மெய்
  • ஆய்தம்
  • உயிரளபெடை
  • ஒற்றளபெடை
  • குற்றியலுகரம்
  • குற்றியலிகரம்
  • ஐகாரக்குறுக்கம்
  • ஔகாரக்குறுக்கம்
  • மகரக்குறுக்கம்
  • ஆய்தக்குறுக்கம்

JOIN OUR TELEGRAM CHANNEL – T.ME/TNPSC_WINNERS

அளபெடைகள் எத்தனை வகைப்படும்

• அளபெடைகள் இரண்டு வகைப்படும். அவை,
  • உயிரளபெடை
  • ஒற்றளபெடை

அளபெடை என்றால் என்ன

• அளபெடுத்தல் – நீண்டு ஒலித்தல்.
• அவ்வாறு பேசும்போது உணர்வுக்கும் இனிய ஓசைக்கும் அளபெடுத்தல் பயன்படுகிறது.
• எ.கா:
  • அம்மாஅ, தம்பீஇ

உயிரளபெடை என்றால் என்ன

• செய்யுளில் மொழிக்கு முதலிலும் இடையிலும் இறுதியிலும் நிற்கிற உயிர் நெட்டெழுத்துகள் தத்தம் அளவில் நீண்டு ஒலிக்கும்போது அதைக் குறிக்க நெட்டெழுத்துகளின் இனமான குற்றெழுத்துகள் அவற்றின் பின்னால் வரும்.
• இவ்வாறு வருவது உயிரளபெடை எனப்படும்.

உயிரளபெடை எத்தனை வகைப்படும்

• உயிரளபெடை மூன்று வகைப்படும். அவை,
  • செய்யுளிசை அளபெடை
  • இன்னிசை அளபெடை
  • சொல்லிசை அளபெடை

செய்யுளிசை அளபெடை என்றால் என்ன

• செய்யுளில் ஓசை குறையும்போது அதனை நிறைவு செய்ய, நெட்டெழுத்துகள் அளபெடுத்தலைச் செய்யுளிசை அளபெடை என்போம்.
• இதனை இசைநிறை அளபெடை என்றும் கூறுவர்.
• செய்யுளிசை அளபெடையின் மற்றொரு பெயர் = இசைநிறை அளபெடை ஆகும்.
• எ.கா;
  • ஓஒதல் வேண்டும் – மொழி முதல்
  • உறாஅர்க் குறுநோய் – மொழியிடை
  • நல்ல படாஅ பறை – மொழியிறுதி

இன்னிசை அளபெடை என்றால் என்ன

• செய்யுளில் ஓசை குறையாத இடத்திலும் இனிய ஓசைக்காக குறில் நெடிலாகி அளபெடுப்பது இன்னிசை அளபெடை ஆகும்.
• எ.கா:
  • கெடுப்பதூஉம் கெட்டார்க்குச் சார்வாய் மற்றாங்கே
  • எடுப்பதூஉம் எல்லாம் மழை

சொல்லிசை அளபெடை என்றால் என்ன

• செய்யுளில் ஒரு பெயர்ச்சொல் எச்சச் சொல்லாகத் திரிந்து அளபெடுப்பது சொல்லிசை அளபெடை ஆகும்.
• எ.கா:
  • • உரனசைஇ உள்ளம் துணையாகச் சென்றார்
    • வரனசைஇ இன்னும் உளேன்.

• நசை – விருப்பம்; விரும்பி என்னும் பொருள் தருவதற்காக நசைஇ அளபெடுத்தது.
• பெயர்ச்சொல், வினை எச்சமாக மாறியது.

ஒற்றளபெடை என்றால் என்ன

• செய்யுளில் ஓசை குறையும்போது அதனை நிறைவுசெய்ய மெய்யெழுத்துகளான ங், ஞ், ண், ந், ம், ன், வ், ய், ல், ள் ஆகிய பத்தும், ஃ என்னும் ஆய்த எழுத்தும் அளபெடுப்பது ஒற்றளபெடை ஆகும்.
• ஒற்றளபெடையில் அளபெடுத்து வரும் பத்து மெய் எழுத்துக்கள் = “ங், ஞ், ண், ந், ம், ன், வ், ய், ல், ள்”
• எ.கா:
  • எங்ங்கிறைவன்
  • எஃஃகிலங்கிய கையராய் இன்னுயிர்

சொல் என்பது யாது

• எ.கா
  • ‘பூ மலர்ந்தது.’
  • ‘மாடு புல் தின்றது.”
• ஓர் எழுத்து தனித்தோ, பல எழுத்துகள் சேர்ந்தோ பொருள் தரும் வகையில் அமைவது சொல் ஆகும். அது,
  • இரு திணைகளையும் ஐந்து பால்களையும் குறிக்கும்.
  • மூவகை இடங்களிலும் வரும்.
  • உலக வழக்கிலும் செய்யுள் வழக்கிலும் வரும்.
  • வெளிப்படையாகவும் குறிப்பாகவும் விளங்கும்.

மொழி எத்தனை வகைப்படும்? அவை யாவை?

• மொழி மூன்று வகைப்படும். அவை,
  • தனி மொழி
  • தொடர் மொழி
  • பொது மொழி

ஒருமொழி ஒருபொரு ளனவாம் தொடர்மொழி பலபொரு எனபொது இருமையும் ஏற்பன.                  (நன்னூல் -260)

தனிமொழி என்றால் என்ன

• ஒரு சொல் தனித்து நின்று பொருள் தருமாயின் அது தனிமொழி எனப்படும்.
• எ.கா
  • கண், படி = பகாப்பதம்
  • கண்ணன், படிதான் = பகுபதம்

தொடர்மொழி என்றால் என்ன

• இரண்டு அல்லது அதற்கு மேற்பட்ட தனிமொழிகள் தொடர்ந்து வந்து பொருள் தருவது தொடர்மொழி ஆகும்.
• எ.கா.
  • கண்ணன் வந்தான்.
  • மலர் வீட்டுக்குச் சென்றாள்.

பொதுமொழி என்றால் என்ன

• ஒரு சொல் தனித்து நின்று ஒரு பொருளையும் அச்சொல்லே பிரிந்து நின்று வேறு பொருளையும் தந்து தனிமொழிக்கும் தொடர்மொழிக்கும் பொதுவாய் அமைவது பொதுமொழி எனப்படும்.
• எ.கா.
  • எட்டு – எட்டு என்ற எண்ணைக் குறிக்கும்.
  • வேங்கை – வேங்கை என்னும் மரத்தைக் குறிக்கும்.
• இவையே எள் + து எனவும் வேம் + கை எனவும் தொடர்மொழிகளாகப் பிரிந்து நின்று எள்ளை உண், வேகின்ற கை எனவும் பொருள் தரும்.
• இவை இருபொருள்களுக்கும் பொதுவாய் அமைவதால் பொது மொழியாகவும் இருக்கிறது.

தொழிற்பெயர் என்றால் என்ன

• ஒரு வினை அல்லது செயலைக் குறிக்கும் பெயரானது எண், இடம், காலம், பால் ஆகியவற்றைக் குறிப்பாகவோ வெளிப்படையாகவோ உணர்த்தாமல் வருவது தொழிற்பெயர் எனப்படும்.
• எ.கா.
  • ஈதல், நடத்தல்

விகுதி பெற்ற தொழிற்பெயர்கள் என்றால் என்ன

• வினையடியுடன் விகுதி சேர்வதால் உருவாகும் தொழிற்பெயர் விகுதி பெற்ற தொழிற்பெயர் ஆகும்.

வினையடி	விகுதி	தொழிற்பெயர்
நட	தல்	நடத்தல்
வாழ்	கை	வாழ்க்கை
ஆள்	அல்	ஆளல்

• ஒரே வினையடி பல விகுதிகளையும் ஏற்கும்.
• எ.கா:
  • நட என்பது வினையடி
  • நடை, நடத்தல்

எதிர்மறை தொழிற்பெயர் என்றால் என்ன

• எதிர்மறைப் பொருளில் வரும் தொழிற்பெயர் எதிர்மறைப் தொழிற்பெயர் எனப்படும்.
• எ.கா:
  • நடவாமை, கொல்லாமை.

முதனிலைத் தொழிற்பெயர் என்றால் என்ன

• விகுதி பெறாமல் வினைப் பகுதியே தொழிற்பெயராதல் முதனிலைத் தொழிற்பெயராகும்.
• எ.கா.
  • தட்டு, உரை, அடி
• இச்சொற்கள் முறையே தட்டுதல், உரைத்தல், அடித்தல் என்று பொருள்படும்போது முதனிலைத் தொழிற்பெயர்களாகின்றன.

முதனிலை திரிந்த தொழிற்பெயர் என்றால் என்ன

• விகுதி பெறாமல் முதனிலை திரிந்து வரும் தொழிற்பெயர் முதனிலை திரிந்த தொழிற்பெயர் ஆகும்.
• எ.கா.
  • பேறு

தொழிற்பெயர்	முதனிலை	முதனிலை திரிந்த தொழிற்பெயர்
கெடுதல்	கெடு	கேடு
சுடுதல்	சுடு	சூடு

வினையாலணையும் பெயர் என்றால் என்ன

• ஒரு வினைமுற்று பெயரின் தன்மையை அடைந்து வேற்றுமை உருபு ஏற்றும் ஏற்காமலும் வேறொரு பயனிலையைக் கொண்டு முடிவது வினையாலணையும் பெயர் எனப்படும். அது தன்மை, முன்னிலை, படர்க்கை ஆகிய மூன்று இடங்களிலும் மூன்று காலங்களிலும் வரும்.
• எ.கா.
  • வந்தவர் அவர்தான்.
  • பொறுத்தார் பூமியாள்வார்

தொழிற்பெயர்க்கும் வினையாலணையும் பெயர்க்கும் உள்ள வேறுபாடு

தொழிற்பெயர்	வினையாலணையும் பெயர்
வினை, பெயர்த் தன்மையாகி வினையையே உணர்த்தி நிற்கும்	தொழிலைச் செய்யும் கருத்தாவைக் குறிக்கும்
காலம் காட்டாது	காலம் காட்டும்
படர்க்கைக்கு உரியது	மூவிடத்திற்கும் உரியது
எ.கா:       பாடுதல், படித்தல்	எ.கா:       பாடியவர், படித்தவர்.

 

 

• அன்னை மொழியே
• தமிழ்ச் சொல் வளம்
• இரட்டுற மொழிதல்
• உரைநடையின் அணிகலன்
• 10TH TAMIL எழுத்து சொல்
• 10TH TAMIL எழுத்து சொல்
• 10TH TAMIL எழுத்து சொல்
• 10TH TAMIL எழுத்து சொல்