10 ஆம் வகுப்பு பொது
10 ஆம் வகுப்பு பொது
- எழுத்திலக்கணம், சொல் இலக்கணம் ஆகிய இரண்டிலும் கூறப்படாத பொதுவான செய்திகள் சொல்லப்படுவதால், இது “பொது” என அழைக்கப்படுகிறது.
வெளிப்படை என்றால் என்ன
- வெளிப்படையாக தன்பொருளை உணர்த்தும் சொல் வெளிப்படை எனப்படும்.
- எ.கா:
- உலகிலேயே பண்பாட்டில் தமிழ்நாடுதான் தலைசிறந்து விளங்குகின்றது.
- இத்தொடரில் வந்துள்ள “தமிழ்நாடு” என்னும் சொல் வெளிப்படையாக இடத்தைக் குறித்து வந்துள்ளது.
குறிப்பு என்றால் என்ன
- ஒரு தொடர் முன்னும் பின்னும் வருகின்ற சொற்கள் உணர்த்தும் குறிப்பால் ஒரு பொருளைத் தருவது குறிப்பு எனப்படும்.
- எ.கா:
- பூப்பந்து விளையாட்டில் தமிழ்நாடு முதலிடம் பெற்றது.
- இத்தொடரில் “தமிழ்நாடு” என்பது “ஆகுபெயராய்” நின்று குறிப்பால் தமிழ்நாடு விளையாட்டு வீரர்களைக் குறிக்கிறது.
JOIN OUR TELEGRAM CHANNEL – T.ME/TNPSC_WINNERS
குறிப்புச்சொற்கள் என்றால் என்ன
- ஒன்றொழி பொதுச்சொல், விகாரச்சொல், தகுதிவழக்குச்சொல், ஆகுபெயர், அன்மொழித்தொகை, வினைக்குறிப்புச் சொல், முதற்குறிப்புச் சொல், தொகைக் குறிப்புச் சொல் போன்றவை குறிப்பால் பொருள் தரும் சொற்கள் ஆகும்.
ஒன்றொழி பொதுச்சொல் என்றால் என்ன
- உயர்திணை, அஃறிணை ஆகிய இரண்டிலும் பொதுவான சொற்கள் உண்டு.
- ஒரு சொல், தொடரில் முன்னும் பின்னும் வரும் சொற்களின் தொடர்பாலும், குறிப்பாலும் ஒரு பாலை நீக்கி, மற்றொருபாலைச் சுட்டும்.
- அதற்கு, ஒன்றொழி பொதுச்சொல் என்பது பெயர்.
உயர்திணை ஒன்றொழி பொதுச்சொல் என்றால் என்ன
- எ.கா;
- வீட்டின்முன் ஐவர் கோலமிட்டனர்.
- நாட்டைக் காக்க ஐவர் போர்க்களம் சென்றனர்.
- முதல் தொடரில் வந்துள்ள ஐவர் என்னும் பொதுச்சொல் கோலமிட்டனர் என்னும் குறிப்பால் ஆண்பாலை நீக்கிப் பெண்பாலை உணர்த்தி நின்றது.
- இரண்டாம் தொடரிலுள்ள ஐவர் என்னும் பொதுச் சொல், போர்க்களம் என்னும் சொல்லின் குறிப்பால் பெண்பாலை விடுத்து, ஆண்பாலை மட்டும் உணர்த்தி நின்றது.
அஃறிணையில் ஒன்றொழி பொதுச்சொல் என்றால் என்ன
- எ.கா:
- இம்மாடு வயலில் உழுகிறது.
- இம்மாடு பால் கறக்கிறது.
- முதல் தொடரில் வந்துள்ள ‘மாடு’ என்னும் பொதுச் சொல் உழுகிறது என்னும் வினைக்குறிப்பால் காளைமாட்டையும், இரண்டாவது தொடரில் வரும் ‘மாடு’ என்னும் பொதுச்சொல் கறக்கிறது என்னும் வினைக்குறிப்பால், பசுமாட்டையும் குறிப்பிடுகின்றது.
- இவ்வாறு, ஒரு பொதுச்சொல் முன்பின் சேர்ந்து வரும் சொல்லின் குறிப்பால் ஆண்பாலையோ பெண்பாலையோ உணர்த்தி வருவது ஒன்றொழி பொதுச்சொல் எனப்படும்.
இனங்குறித்தல் என்றால் என்ன
- எ.கா:
- கதிர்வேல் வெற்றிலை தின்றான்.
- இத்தொடர், கதிர்வேல் வெற்றிலை மட்டுமா தின்றான். வெற்றிலையோடு அதற்கு இனமான பாக்கு, சுண்ணாம்பு முதலானவற்றையும் சேர்த்துத் தின்றான் எனப் பொருள்படுகிறது.
- இவ்வாறு ஒருசொல், தன்பொருளையும் குறித்துத் தனக்கு இனமான பொருளையும் குறித்து வருவது இனங்குறித்தல் எனப்படும்.
அடுக்குத்தொடர் என்றால் என்ன
- அசைநிலைக்கும், விரைவு, சினம், மகிழ்ச்சி, அச்சம், துன்பம் முதலிய பொருள் நிலைக்கும், செய்யுளில் இசையை நிறைவு செய்வதற்கும் இரண்டு, மூன்று, நான்கு முறை அடுக்கி வருவது அடுக்குத்தொடர் எனப்படும்.
- எ.கா = அன்றே அன்றே, போ போ, எறி எறி
இரட்டைக்கிளவி என்றால் என்ன
- இரட்டித்து நின்று பொருள் உணர்த்தும் சொற்கள் இரட்டித்தே வரும்; பிரித்தால் பொருள் தராது; இதனை இரட்டைக்கிளவி என்பர்.
- (கிளவி சொல்) இரட்டைக் கிளவி = இரண்டு சொல்.
- எ.கா;
- படபடவெனப் பேசினாள்.
- கலா, கலகலவெனச் சிரித்தாள்
அடுக்குத்தொடருக்கும் இரட்டைக்கிளவிக்கும் உள்ள வேறுபாடு
|
அடுக்குத்தொடர் |
இரட்டைக்கிளவி |
|
சொற்கள் தனித்தனியே நிற்கும் |
சொற்கள் ஒன்றுபட்டு நிற்கும் |
| பிரித்தால் பொருள் தரும் |
பிரித்தால் பொருள் தராது |
|
இரண்டு, மூன்று, நான்கு முறை அடுக்கி வரும் |
இரட்டித்தே வரும் |
| விரைவு, அச்சம், வெகுளி, மகிழ்ச்சி |
இசை, குறிப்பு, பண்பு பற்றி வரும் |
- கடவுள் வாழ்த்து
- திருக்குறள்
- ஏலாதி
- உயர்தனிச் செம்மொழி
- பரிதிமாற் கலைஞர்
- எழுத்து
- சொற்றொடர் வகைகள்
- சிலப்பதிகாரம்
- தமிழ் வளர்ச்சி
- பெரியாரின் பெண் விடுதலைச் சிந்தனைகள்
- 10 ஆம் வகுப்பு பொது
- 10 ஆம் வகுப்பு பொது
- 10 ஆம் வகுப்பு பொது
- சொல்
- தொகைச்சொல்
- கம்பராமாயணம்