11TH TAMIL உலகச் சிறுகதை ஆசிரியர்கள்

11TH TAMIL உலகச் சிறுகதை ஆசிரியர்கள்

• உலக அளவில் சிறுகதையின் வடிவக் கூறுகளைக் கொண்ட கதைகள் 17 ஆம் நூற்றாண்டில் எழுதப்பட்டிருந்தாலும், 19ஆம் நூற்றாண்டில்தான் முழுவீச்சில் வெளிப்படத் தொடங்கின.
• அமெரிக்க எழுத்தாளர்களான எட்கர் ஆலன்போ, ஓ ஹென்றி, நதானியல் ஹாதர்ன், வாசிங்டன் இர்விங் போன்றோர் சிறுகதையின் முழுமையான வடிவச் சிறப்போடு அமைந்த சிறுகதைகளைத் தந்தனர்.
• குறிப்பாக ஓ ஹென்றியின் கதைகளில் வரும் கடைசித் திருப்பம் இன்றுவரை உலகப்புகழ் பெற்று விளங்குகின்றது.
• பிரெஞ்சு எழுத்தாளர்களான போம்பெவல், மாப்பஸான், மெரிமீ, பால்சால்க் போன்றோர் சிறுகதையின் தொடக்ககால நிலையில் அதன் அனைத்துச் சாத்தியங்களோடும் படைத்துக் காட்டியவர்கள்.
• குறிப்பாக, இன்றளவும் மாப்பஸான் கதைகள் உலகப்புகழ் பெற்று விளங்குகின்றன.
• தமிழின் சிறந்த சிறுகதை எழுத்தாளரான புதுமைப்பித்தன் “தமிழகத்தின் மாப்பஸான்” என்று அழைக்கப்படுவது, மாப்பஸான் கதைகளின் வீச்சினைப் புரிந்துகொள்ள உதவுகிறது.
• ரஷ்ய எழுத்தாளர்களான ஆண்டன் செகாவ், துர்கனேவ், கோகல் ஆகியோர் புகழ்பெற்ற சிறுகதைகளை எழுதியவர்கள்.
• செகாவ் சிறுகதை வடிவத்தை மிகச்சிறந்த கலைவடிவமாக்கியவர்.
• இவர் தம் சிறுகதைகள் நகைச்சுவையும் அங்கதமும் கலந்தவை.
• “ரஷ்ய சிறுகதையின் தந்தை” எனப் போற்றப்படும் கோகலின் ‘மேலங்கி என்னும் சிறுகதை எண்ணற்ற எழுத்தாளர்களை உருவாக்கிய கதை எனலாம்.

தமிழ் சிறுகதைகள்

சாகித்திய அகாதமி பரிசு பெற்ற சிறுகதைகள்