Table of Contents

தன்னேர் இலாத தமிழ்

தன்னேர் இலாத தமிழ் பாடல்

ஓங்கலிடை வந்து உயர்ந்தோர் தொழவிளங்கி

ஏங்கொலிநீர் ஞாலத்(து) இருளகற்றும் – ஆங்கவற்றுள்

மின்னோர் தனியாழி வெங்கதிரொன்(று) ஏனையது

தன்னேர் இலாத தமிழ்!

– தண்டியலங்கார உரை மேற்கோள்

இருவேறு பொருள்களுக்கிடையே ஒற்றுமையை முதாளில் கூறிப் பின் வேறுபடுத்திக் காட்டுவது பொருள் வேற்றுமை அணி எனப்படும்.

வெங்கதிர் = பண்புத்தொகை
உயர்ந்தோர் = வினையாலணையும் பெயர்
இலாத = இடைக்குறை (இல்லாத)
இலாத தமிழ் = எதிர்மறைக் குறிப்பு பெயரெச்சம்
இடை = ஏழாம் வேற்றுமை உறுப்பு
ஏங்கு ஒலி = வினைத்தொகை
ஒலி நீர் = இரண்டாம் வேற்றுமை உருபும் பயனும் உடன்தொக்க தொகை ( ஒலியைக் கொண்ட நீர்)
நீர் = தானியாகு பெயர்
நீர் ஞாலம் = மூன்றாம் வேற்றுமை உருபும் பயனும் உடன்தொக்க தொகை (நீரினால் சூழப்பாட்ட ஞாலம்)
தொழ = வினையெச்சம்
ஆழி = சினையாகு பெயர்

தண்டியலங்காரம், அணி இலக்கணத்தை மட்டும் கூறும் சிறப்பான நூல்களில் ஒன்றாகும்
மேற்கூறப்பட்ட பாடல், பொருளணியியல் பகுதியில் இடம் பெற்றுள்ளது
“காவியதர்சம்” என்னும் வடமொழி இலக்கண நூலைத் தழுவி எழுதப்பட இந்நூலின் ஆசிரியர் “தண்டி” ஆவார்
இவர் கி.பி (பொ.ஆ) 12 ஆம் நூற்றாண்டை சேர்ந்தவர்
இந்நூலின் 3 பெரும் பிரிவுகள் = பொதுவியல், பொருளணியியல் மற்றும் சொல்லணியியல்
இலக்கண நூலார், உரையாசிரியர்கள் ஆகியோர் பலரால் எடுத்தாளப்பட்ட பெருமை பெற்றது இந்நூல்.

தண்டியலங்காரம் நூலினை பற்றி மேலும் அறிந்துக் கொள்ள “இங்கே கிளிக் செய்யவும்”

பனிரெண்டாம் வகுப்பு – இளந்தமிழே