தன்னேர் இலாத தமிழ்

தன்னேர் இலாத தமிழ் பாடல்

ஓங்கலிடை வந்து உயர்ந்தோர் தொழவிளங்கி ஏங்கொலிநீர் ஞாலத்(து) இருளகற்றும் – ஆங்கவற்றுள் மின்னோர் தனியாழி வெங்கதிரொன்(று) ஏனையது தன்னேர் இலாத தமிழ்! –    தண்டியலங்கார உரை மேற்கோள்

பாடல் குறிப்பு

• இப்பாடலில் இடம்பெற்ற பா வகை = நேரிசை வெண்பா
• இப்பாடலில் பொதிந்துள்ள அணி = பொருள் வேற்றுமை அணி

பொருள் வேற்றுமை அணி

• இருவேறு பொருள்களுக்கிடையே ஒற்றுமையை முதாளில் கூறிப் பின் வேறுபடுத்திக் காட்டுவது பொருள் வேற்றுமை அணி எனப்படும்.

இலக்கணக் குறிப்பு

• வெங்கதிர் = பண்புத்தொகை
• உயர்ந்தோர் = வினையாலணையும் பெயர்
• இலாத = இடைக்குறை (இல்லாத)
• இலாத தமிழ் = எதிர்மறைக் குறிப்பு பெயரெச்சம்
• இடை = ஏழாம் வேற்றுமை உறுப்பு
• ஏங்கு ஒலி =  வினைத்தொகை
• ஒலி நீர் = இரண்டாம் வேற்றுமை உருபும் பயனும் உடன்தொக்க தொகை ( ஒலியைக் கொண்ட நீர்)
• நீர் = தானியாகு பெயர்
• நீர் ஞாலம் = மூன்றாம் வேற்றுமை உருபும் பயனும் உடன்தொக்க தொகை (நீரினால் சூழப்பாட்ட ஞாலம்)
• தொழ = வினையெச்சம்
• ஆழி = சினையாகு பெயர்

பிரித்து எழுதுக

• ஆங்கவற்றுள் = ஆங்கு + அவற்றுள்
• தனியாழி = தனி + ஆழி
• வெங்கதிர் = வெம்மை + கதிர்

நூல் குறிப்பு

• தண்டியலங்காரம், அணி இலக்கணத்தை மட்டும் கூறும் சிறப்பான நூல்களில் ஒன்றாகும்
• மேற்கூறப்பட்ட பாடல், பொருளணியியல் பகுதியில் இடம் பெற்றுள்ளது
• “காவியதர்சம்” என்னும் வடமொழி இலக்கண நூலைத் தழுவி எழுதப்பட இந்நூலின் ஆசிரியர் “தண்டி” ஆவார்
• இவர் கி.பி (பொ.ஆ) 12 ஆம் நூற்றாண்டை சேர்ந்தவர்
• இந்நூலின் 3 பெரும் பிரிவுகள் = பொதுவியல், பொருளணியியல் மற்றும் சொல்லணியியல்
• இலக்கண நூலார், உரையாசிரியர்கள் ஆகியோர் பலரால் எடுத்தாளப்பட்ட பெருமை பெற்றது இந்நூல்.

அணி இலக்கணம் மட்டும் கூறும் நூல்கள்

• தண்டியலங்காரம்
• மாறன் அலங்காரம்
• குவலயானந்தம்

பிற இலக்கணத்தையும் கூறும் நூல்கள்

• தொல்காப்பியம்
• வீரசோழியம்
• இலக்கண விளக்கம்
• தொன்னூல் விளக்கம்
• முத்துவீரியம்

தண்டியலங்காரம் நூலினை பற்றி மேலும் அறிந்துக் கொள்ள “இங்கே கிளிக் செய்யவும்”

 

பனிரெண்டாம் வகுப்பு – இளந்தமிழே

பனிரெண்டாம் வகுப்பு – தமிழ் மொழியின் நடை அழகியல்