10TH TAMIL புறப்பொருள்
10TH TAMIL புறப்பொருள்
- புறப்பொருள் எனப்படுவது, வாழ்க்கைக்குத் துணைபுரியும் கல்வி, செல்வம், புகழ், வீரம், அரசியல் முதலிய பொருள்களைப் பற்றிக் கூறுவது.
- அகப்பொருள் வாழ்வியல் எனில், புறப்பொருள் உலகியல் ஆகும்.
JOIN OUR TELEGRAM CHANNEL – T.ME/TNPSC_WINNERS
புறத்திணை எத்தனை வகைப்படும்
- புறம்பற்றிய நெறிகளைக் கூறுவது புறத்திணை.
- புறத்திணைகள் வெட்சி முதலாகப் பன்னிரண்டு வகைப்படும். அவை,
- வெட்சித்திணை
- கரந்தைத் திணை
- வஞ்சித் திணை
- காஞ்சித் திணை
- நொச்சித் திணை
- உழிஞைத் திணை
- தும்பைத் திணை
- வாகைத் திணை
- பாடாண் திணை
- பொதுவியல் திணை
- கைக்கிளைத் திணை
- பெருந்திணை
வெட்சித் திணை என்றால் என்ன
- பகைநாட்டின் மீது போர் தொடங்குமுன், அந்நாட்டிலுள்ள ஆநிரைகளுக்குத் தீங்கு நேரக்கூடாது எனக் கருதும் மன்னன், தன் வீரர்களை அனுப்பி அவற்றைக் கவர்ந்து வரச்செய்வது வெட்சித்திணை.
- அவ்வீரர்கள் வெட்சிப்பூவைச் சூடிச் செல்வார்கள்.
கரந்தைத் திணை என்றால் என்ன
- வெட்சி வீரர்களால் கவர்ந்துசெல்லப்பட்ட தம் ஆநிரைகளைக் கரந்தைப் பூவைச் சூடிச்சென்று மீட்பது, கரந்தைத்திணை.
வஞ்சித் திணை என்றால் என்ன
- மண்ணாசை காரணமாகப் பகைவர் நாட்டைக் கைப்பற்றக் கருதி வஞ்சிப்பூவைச் சூடிப் போருக்குச் செல்வது, வஞ்சித்திணை.
காஞ்சித் திணை என்றால் என்ன
- தன் நாட்டைக் கைப்பற்ற வந்த மாற்றரசனோடு காஞ்சிப்பூவைச் சூடி எதிர்த்துப் போரிடல் காஞ்சித்திணை.
நொச்சித் திணை என்றால் என்ன
- பகையரசனால் முற்றுகையிடப்பட்ட தம் மதிலைக் காத்தல் வேண்டி, உள்ளிருந்தே, வெளியே இருக்கும் பகையரசனோடு நொச்சிப்பூவைச் சூடிப் போரிட்டு, அம்மதிலைக் காப்பது நொச்சித்திணை.
உழிஞைத் திணை என்றால் என்ன
- உழிஞைப் பூவைச் சூடிய தன் வீரர்களுடன் மாற்றரசன் கோட்டைக்குள் புகுந்து மதிலைச் சுற்றி வளைத்தல் உழிஞைத்திணை.
தும்பைத் திணை என்றால் என்ன
- பகைவேந்தர் இருவரும் வெற்றி ஒன்றையே குறிக்கோளாகக் கொண்டு, தம் வீரர்களுடன் போரிடுவது தும்பைத் திணை. இவ்வீரர்கள் தும்பைப் பூவைச்சூடிப் போரிடுவர்.
வாகைத் திணை என்றால் என்ன
- வெற்றிபெற்ற மன்னன் வாகைப்பூச் சூடி மகிழ்வது, வாகைத்திணை.
பாடாண் திணை என்றால் என்ன
- பாடுதற்குத் தகுதியுடைய ஓர் ஆண்மகனின் கல்வி, வீரம், செல்வம், புகழ், கருணை முதலியவற்றைப் போற்றிப் பாடுவது, பாடாண்திணை.
- (பாடு + ஆண் + திணை = பாடாண்திணை)
- வல்லினம் மிகா இடங்கள்
- திருக்குறள்
- தேவாரம்
- தமிழ்மொழியில் அறிவியல் சிந்தனைகள்
- பொருள் இலக்கணம்
- சீறாப்புராணம்
- காந்தியம்
பொதுவியல் திணை என்றால் என்ன
- வெட்சிமுதல் பாடாண்வரை உள்ள புறத்திணைகளின் பொதுவானவற்றையும், அவற்றுள் கூறப்படாதனவற்றையும் கூறுவது, பொதுவியல் திணை.
கைக்கிளைத் திணை என்றால் என்ன
- கைக்கிளை என்பது ஒருதலைக் காமம். இஃது ஆண்பால் கூற்று, பெண்பால் கூற்று என இருவகைப்படும்.
பெருந்திணை என்றால் என்ன
- பெருந்திணை என்பது பொருந்தாக் காமம். இதுவும் ஆண்பாற் கூற்று, பெண்பாற் கூற்று என இருவகைப்படும்.
புறப்பொருள் வெண்பாமாலை பாடல்
|
வெட்சி நிரைகவர்தல், மீட்டல் கரந்தையாம், வட்கார்மேற் செல்வது வஞ்சியாம் உட்கா(து) எதிரூன்றல் காஞ்சி, எயில்காத்தல் நொச்சி, அதுவளைத்த லாகும் உழிஞை, – அதிரப் பொருவது தும்பையாம், போர்க்களத்து மிக்கார் செருவென் றதுவாகை யாம். – புறப்பொருள் வெண்பாமாலை |
புறப்பொருள் தொடர்பான வினாக்கள்
- புறத்திணைகள் __________ வகைப்படும்? = பனிரெண்டு.
- நிரைகவர்தல் என்பது _______ ?= வெட்சி.
- மண்ணாசை கருதிப் போருக்குச் செல்வது __________ ? = வஞ்சித்திணை.
- பாடாண்திணை என்பது ____________ கூறுவது? = ஆண்மகனின் ஒழுக்கலாறுகள்.
- ஒருதலைக் காமம் என்பது __________ ? = கைக்கிளை.
- தன் நாட்டைக் கைப்பற்ற வந்த மாற்றரசனோடு எதிர்த்துப் போரிடுவது _________ ஆகும்? = காஞ்சித் திணை.
புறத்திணை என்பது யாது?
- புறம்பற்றிய நெறிகளைக் கூறுவது புறத்திணை.
- புறத்திணைகள் வெட்சி முதலாகப் பன்னிரண்டு வகைப்படும்.
புறத்திணைகள் நான்கனை எழுதுக?
- புறத்திணைகள் வெட்சி முதலாகப் பன்னிரண்டு வகைப்படும். அவை,
- வெட்சித்திணை
- கரந்தைத் திணை
- வஞ்சித் திணை
- காஞ்சித் திணை
- நொச்சித் திணை
- உழிஞைத் திணை
- தும்பைத் திணை
- வாகைத் திணை
- பாடாண் திணை
- பொதுவியல் திணை
- கைக்கிளைத் திணை
- பெருந்திணை
மதில்போர் பற்றிய புறத்திணைகள் யாவை?
- மதிப்போர் பற்றிய புறத்திணைகள் இரண்டு = நொச்சித் திணை, உழிஞைத் திணை.
- நொச்சித் திணை = பகையரசனால் முற்றுகையிடப்பட்ட தம் மதிலைக் காத்தல் வேண்டி, உள்ளிருந்தே, வெளியே இருக்கும் பகையரசனோடு நொச்சிப்பூவைச் சூடிப் போரிட்டு, அம்மதிலைக் காப்பது நொச்சித்திணை.
- உழிஞைத் திணை = உழிஞைப் பூவைச் சூடிய தன் வீரர்களுடன் மாற்றரசன் கோட்டைக்குள் புகுந்து மதிலைச் சுற்றி வளைத்தல் உழிஞைத்திணை.
வாகைத் திணை என்பது யாது?
- வெற்றிபெற்ற மன்னன் வாகைப்பூச் சூடி மகிழ்வது, வாகைத்திணை.
பொருந்தாக் காமம் பற்றிய திணை யாது?
- பெருந்திணை என்பது பொருந்தாக் காமம். இதுவும் ஆண்பாற் கூற்று, பெண்பாற் கூற்று என இருவகைப்படும்.