11TH TAMIL புறநானூறு

11TH TAMIL புறநானூறு

• தமிழரின் வாழ்வியல் கருவூலமான புறநானூறு, வீரத்தையும் ஈரத்தையும் மட்டும் பேசாமல், வாழ்வின் விழுமியங்களையும் பேசுகிறது.
• பிறர்க்கென வாழ்வதே பிறவிப்பயன் என்ற கருத்தினை விளக்கும் இப்பாடல், தனக்கென வாழா மனிதர்களைப் பற்றிப் பேசுகிறது.

பொதுவியல் திணை என்றால் என்ன

• வெட்சி முதல் பாடாண் வரை உள்ள திணைகளில் கூறப்படாத செய்திகளையும் பிற பொதுவான செய்திகளையும் தொகுத்துக் கூறுவது பொதுவியல் திணையாகும்.

பொருண்மொழிக்காஞ்சித் துறை என்றால் என்ன

• மக்களுக்கு நலம் செய்யும் வாழ்வியல் நெறிகளை எடுத்துக் கூறுதல் பொருண்மொழிக்காஞ்சித் துறையாகும்.

அருஞ்சொற்பொருள்

• தமியர் – தனித்தவர்
• முனிதல் – வெறுத்தல்
• துஞ்சல் – சோம்பல்
• அயர்வு – சோர்வு
• மாட்சி – பெருமை
• நோன்மை – வலிமை
• தாள் – முயற்சி.

இலக்கணக்குறிப்பு

• அம்ம = அசைநிலை
• உண்டல், துஞ்சல் = தொழிற்பெயர்கள்
• முயலா = ஈறுகெட்ட எதிர்மறைப் பெயரெச்சம்

பிரித்து எழுதுக

• இயைவதாயினும் = இயைவது + ஆயினும்
• புகழெனின் = புகழ் + எனின்

முக்கிய அடிகள்

• உண்டால் அம்ம இவ்வுலகம் இந்திரர் அமிழ்தம் இயைவது ஆயினும்
• பிறர் அஞ்சுவது அஞ்சிப் புகழ் எனின் உயிருங் கொடுக்குவர்; பழியெனின் உலகுடன் பெறினும் கொள்ளலர்
• தமக்கென முயலா நோன்தாள் பிறர்க்கென முயலுநர் உண்மை யானே.

புறநானூறு நூல் குறிப்பு

• புறநானூறு, எட்டுத்தொகை நூல்களுள் ஒன்று.
• புறத்திணை சார்ந்த நானூறு பாடல்களைக் கொண்டது.
• புறம், புறப்பாட்டு என்றும் வழங்கப்படும்
• அகவற்பாக்களால் ஆனது இந்நூல்.
• புறநானூற்றுப் பாடல்கள் சங்ககாலத்தில் – ஆண்ட அரசர்களைப் பற்றியும் மக்களின் சமூக வாழ்க்கை பற்றியும் எடுத்துரைக்கின்றன.

• புறநானூறு நூலை பற்றி மேலும் அறிந்துக் 
  கொள்ள இங்கே கிளிக் செய்யவும்

கடலுள் மாய்ந்த இளம்பெருவழுதி

• பாண்டிய மன்னருள் பெருவழுதி என்னும் பெயரில் பலர் இருந்தனர்.
• ஆயினும், அரிய பண்புகள் அனைத்தையும் தம் இளமைக்காலத்திலேயே பெற்றிருந்த காரணத்தால் அக்கால மக்கள், இவரை இளம்பெருவழுதி என்று அழைத்தனர்.
• கடற்பயணம் ஒன்றில் இறந்துபோனமையால் இவர், கடலுள் மாய்ந்த இளம்பெருவழுதி என்று பிற்காலத்தவரால் அழைக்கப்படுகின்றார்.
• இவரது பாடல்கள் புறநானூற்றில் ஒன்றும் பரிபாடலில் ஒன்றும் இடம் பெற்றுள்ளன.

பேராசிரியர் ஜார்ஜ் எல். ஹார்ட்

• பேராசிரியர் ஜார்ஜ் எல். ஹார்ட் (GEORGE : L. HART) என்பவரால் புறநானூறு, “The Four: Hundred Songs of War and Wisdom: An: Anthology of Poems from Classical Tamil, the Purananuru” என்னும் தலைப்பில் ஆங்கிலத்தில் மொழிபெயர்க்கப்பட்டுள்ளது.

ஜி.யு.போப்

• ஜி.யு.போப் (G. U. POPE), புறநானூற்றுப் பாடல்கள் சிலவற்றை “Extracts from purananooru & Purapporul : venbamalai” என்னும் தலைப்பில் ஆங்கிலத்தில் மொழிபெயர்த்துள்ளார்.

புறநானூறு முதன் முதலில் பதிப்பித்தவர்

• சுவடிகளில் எழுதிப் பயன்படுத்தப்பட்டு அழிந்துபோகும் நிலையில் இருந்த புறநானூற்றின் பல சுவடிகளை ஒப்பிட்டு ஆய்ந்து பயன்பெறும் வகையில், உவே.சா. 1894 ஆம் ஆண்டு முதன் முதலாக அச்சில் பதிப்பித்து வெளியிட்டார்

• உ.வே.சா பற்றி மேலும் அறிந்துக் 
  கொள்ள இங்கே கிளிக் செய்யவும்