12 ஆம் வகுப்பு இராசராச சோழன் உலா
12 ஆம் வகுப்பு இராசராச சோழன் உலா
- உலா என்பது சிற்றிலக்கிய வகைகளுள் ஒன்று.
- பாட்டுடைத் தலைவன் உலா வருதலைச் சிறப்பித்துப் பாடுதலின் இப்பெயர் பெற்றது.
- உலா என்பதற்குப் பவனிவரல் என்பது பொருள்.
- தலைவன் வீதியில் உலாவர, அவனைப் பேதை, பெதும்பை, மங்கை, மடந்தை, அரிவை, தெரிவை, பேரிளம்பெண் என்னும் ஏழுவகைப் பருவ மகளிரும் கண்டு காதல் கொள்வதைக் கூறுவது உலா என்னும் சிற்றிலக்கியம் ஆகும்.
- உலா கலிவெண்பாவால் இயற்றப்படும்.
- இவ்விலக்கியம் உலாப்புறம் எனவும் வழங்கப்படும்.
JOIN OUR TELEGRAM CHANNEL – T.ME/TNPSC_WINNERS
உலாவின் முன்னிலை
- பாட்டுடைத்தலைவன் சிறப்பு, நீராடல், ஒப்பனை செய்தல், பரிவாரங்கள் புடை சூழத் தன் ஊர்தியில் ஏறி உலா வரல் ஆகியவற்றை உலாவின் முன்னிலை என்பர்.
உலாவின் பின்னிலை
- உலாவரும் தலைவனைக் கண்டு காதல் கொண்ட ஏழு பருவ மகளிர் தனித்தனியாகக் கூறுவன உலாவின் பின்னிலை என்று கூறுவர்.
உலாவில் பெண்களின் ஏழு பருவங்கள்
- ஏழு பருவப் பெண்களின் வயது முறையைப் பின் வருமாறு கூறுவர். பேதை 5 – 7, பெதும்பை 8 – 11, மங்கை 12 – 13, மடந்தை 14 – 19, அரிவை 20 -25, தெரிவை 26 – 32, பேரிளம் பெண் 33-40.
ஒட்டக்கூத்தர் ஆசிரியர் குறிப்பு
- இராசராச சோழனுலாவைப் பாடியவர் ஒட்டக்கூத்தர்.
- கவிச்சக்கரவர்த்தி, கவிராட்சசன் என்றெல்லாம் புகழப்படுகிறார்.
- ஒட்டக்கூத்தர் விக்கிரமசோழன், இரண்டாம் குலோத்துங்கன், இரண்டாம் இராசராசன் ஆகிய மூன்று மன்னர்களின் அவையிலும் செல்வாக்கோடு விளங்கியவர்.
- அம்மூவரைப் பற்றியும் அவர் பாடிய மூன்று உலாக்களும் மூவருலா எனப்படுகிறது.
- தக்கயாகப்பரணி, குலோத்துங்கன் பிள்ளைத் தமிழ் முதலியன இவர் இயற்றிய வேறு நூல்கள் ஆகும்.
- கூத்தர் என்பதே இவர் இயற்பெயர்.
- ஒட்டம் (பந்தயம்) வைத்துப்பாடுவதில் வல்லவர் ஆதலால் இவர் ஒட்டக்கூத்தர் எனப்பட்டார்.
- இவரது காலம் பன்னிரண்டாம் நூற்றாண்டு ஆகும்.
அருஞ்சொற்பொருள்
- சூளிகை = நிலாமுற்றம் (மாளிகையின் மேலேயுள்ள வெளி)
- தோரணம் = மாவிலை முதலியவற்றால் கட்டி அழகுறுத்துவது
- சாளரம் = பலகணி
- தெற்றி = திண்ணை
- ஆடல் அரங்கம் = கூத்துப் பயிலுமிடம்
- தோன்றாமே = அவ்விடங்களில் தோன்றாதபடி
- பிணங்கி = நெருங்கி
- உயங்கி = மனம் வருந்தி
- மறுகு = தெரு
- தற்கோடி ஓரிரண்டு = தன்னுடைய வில் முனைகள் இரண்டையும்
- கோடி = வளைத்து
- சதகோடி = நூறுகோடி
- கற்கோடி = கோடியான கற்கள்
- முன்கோலி = முன்னே வளைத்து
- மகோததி = கடல்
- ஏவ = செலுத்த
- வாளிவிட்டது = அம்பு எய்தது
- வெட்டி = மலையை வெட்டி
- சுழியிட்டகாவிரி = சுழித்து வெள்ளப்பெருக்குடன் வந்த காவிரி
- சோணாடு = சோழநாடு
- மதியெறிந்து = சந்திரனை வீசி
- வல்லேற்ற வான் = வலிய இடியை உடைய மேகம்
- தூங்கும்பதி = வானத்தில் நிலைகொண்டலைந்த ஊர்கள்.
- உதியர் = சேரர்
- இடப்புண்ட = பெயர்க்கப்பட்ட
- பேரிஞ்சி வஞ்சியில் = பெரிய மதிலையுடைய வஞ்சி என்னும் தம் ஊரில்
- கடப்ப முது முரசம் = கடம்ப மரத்தால் செய்யப்பட்ட பழைய முரசம்
- கொடுப்ப = இவன் கொடுத்தலால்
- தம் சென்னி = தம் தலையால்
- சரதம் = வாய்மை
- பவித்திரம் = தூய்மை
- சரத பவித்ர விசயப் படை = உண்மையும் தூய்மையும் உடைய வெற்றியைத் தரும் மழுவாகிய ஆயுதப்படை
- கவித்த அபிடேகம் = சூட்டிய கீரிடத்தை
- மூவெழுகால் = இருபத்தோரு தலைமுறை
- எக்கோக்களையும் = எவ்வளவு பெரிய அரசர்களையும், அவனி = நாடுகள்
- வரப்பு மலை = எல்லையாகிய மேருமலை
- தாவிச் சூழ்வர = தாவிச் சுற்றி வருதற்கு
- நின்று புரக்க = நிலைபெற்றுக் காக்க
- ஊடு அம்பரம் அடங்க = இடையே உள்ள ஆகாயம் அடங்கும்படியாக
- அளாவ (ஆகாயம் வரை) செல்ல அண்டகூடம் = அண்டங்கள்
- பொருவும்= ஒத்திருக்கும்
- கூடல் = காவிரிப்பூம்பட்டினம்
- பெருமாள் = அரசர்
- இருங்கடல் = பெரிய கடல்
இலக்கணக்குறிப்பு
- வாயிலும் மாளிகையும் = எண்ணும்மை
- எம்மருங்கும் = முற்றும்மை
- மாடமும் ஆடரங்கும் = எண்ணும்மை
- செய்குன்று, ஆடரங்கு = வினைத்தொகைகள்
- சுற்றிய பாங்கர் = பெயரெச்சம்
- மயங்கி, பிணங்கி, வணங்கி, உயங்கி = வினையெச்சங்கள்
- செற்ற சிலை = பெயரெச்சம்
- காணீர் = ஏவல் வினைமுற்று
- சோணாடு = சோழநாடு என்பதன் மரூஉ மொழி, விட்டவாள் = பெயரெச்சம்
- மதியெறிந்து, வானெறிந்து = இரண்டாம் வேற்றுமைத் தொகைகள்
- தூங்கும் பதி = செய்யும் என்னும் வாய்பாட்டுப் பெயரெச்சம்
- பேரிஞ்சி, முது முரசம் = பண்புத்தொகைகள்
- போர் முரசம் = ஏழாம் வேற்றுமை உருபும் பயனும் உடன் தொக்க தொகை
- தரை = ஆகுபெயர் (ஆளப்பெறும் நாட்டிற்கு ஆகிவந்தது)
- படைப் பரசுராமன் = இரண்டாம் வேற்றுமை உருபும் பயனும் உடன் தொக்க தொகை
- பொருவுங் குடை, வரும் பெருமாள் = செய்யும் என்னும் வாய்பாட்டுப் பெயரெச்சங்கள்
- ஓங்கியுயர் = ஒருபொருட் பன்மொழி
- உயரண்டம் = வினைத் தொகை
- 12 ஆம் வகுப்பு இராசராச சோழன் உலா
- 12 ஆம் வகுப்பு இராசராச சோழன் உலா