9TH TAMIL இராவண காவியம்

9TH TAMIL இராவண காவியம்

• பூத்துக் குலுங்கும் பூஞ்சோலை; அடர்ந்து வளர்ந்த பசுமரங்கள்; நீர் நிறைந்த நதிக்கரைகள்;
• பச்சை போர்த்திய புல்வெளிகள்; துள்ளித் திரியும் மானினங்கள்;
• மயில்கள், குயில்கள், கிளிகள் பறந்து திரியும் பறவைகளென இத்தகு அழகிய சூழலைக் கண்டு மனம் மகிழ்ந்ததுண்டா?
• அழகைச் சுவைத்தால் மனம் புத்துணர்வு பெறும்; எண்ணம் வளமை பெறும்.

JOIN OUR TELEGRAM CHANNEL – T.ME/TNPSC_WINNERS

பாடல் பொருள்

குறிஞ்சி	அழகிய மயிலானது சிறகை விரித்து ஆடுவதை, குரங்குகள் மிரட்சியுடன் பார்க்கும்.
	நெருப்பில் இடப்பட்ட சந்தானம், அகில் குச்சிகள் + உலையிட்ட மலை நெல்லரிசி சோற்றின் மணம் + காந்தள் மலரின் மணம் = சேர்ந்து மலை முழுவதும் மணம் பரவி உள்ளது.
முல்லை	நாகணவாய் பறவை + குயில் + அழகான வண்டுகள் = பாவிசைத்து பாடின. முல்லை நில மக்களான ஆயர், முக்கனியும், தேனையும் சேகரித்து கொண்டு, “முக்குழல்” இசையால் மேயும் பசுக் கூட்டங்களை ஒன்று சேர்த்தனர். முக்கனி = மா, பலா, வாழை முக்குழல் = கொன்றை, ஆம்பல், மூங்கில் ஆகியவற்றால் ஆன குழல்கள்.
	முதிரை + சாமை + கேழ்வரகு + மணி + குதிரைவாலி நெல் = ஆகியவற்றை முல்லை நில மக்கள் கதிரடித்து மலை போல குவித்து வைத்துள்ளனர். “பொதுவர்கள் பொலிஉறப் போர் அடித்திடும்” நிலப்பகுதி = முல்லை. கதிரடிக்கும் அதிர்வு தரும் ஓசையை கேட்டு மான்கள் அஞ்சி ஓடின.
பாலை	பாலை நில வெயிலை தாங்க இயலாமல் “செந்நாய்க்குட்டி” வாய் உலர்ந்து குழறியது. எங்கும் நிழல் இல்லாததால், இதனை கண்ட தாய் நாய், வெயிலினை தான் தாங்கிக் கொண்டு, தன் நிழலில் குட்டியை இளைப்பாறச் செய்தது.
	சிறுவர்கள் “மராமலர்களை” மாலையாக அணிந்திருந்தனர். எருதின் கொம்பு போன்றிருந்த “பாலைக்காயை”, கோலினால் அடித்து விளையாடினர். அவ்வோசையை கேட்ட பருந்துகள் அஞ்சி பறந்து ஓடின.
மருதம்	மருத நிலத்தில் காட்டாறு வெள்ளத்தை தாங்கும் வகையில் கரும்பு வளர்ந்து நிற்கும். மருத நில வயலில் காஞ்சி, வஞ்சி, மலர்கள் பூத்தி நிற்கும்.
	தாமரை மலர்கள் பூத்திருந்த குளத்தில் நீந்தும் யானையின் தந்தங்களை அளந்து சிறுவர்கள் விளையாடினர். தென்னை இளநீர் காய்களை பறித்து, அதனை காஞ்சி மர நிழலில் அமர்ந்து அருந்தினர்.
நெய்தல்	மலையளவுக்குப் பவளங்களையும், ஒளி முத்துக்களையும் நெய்தல் நிலத்தவர் கடற்கரையில் கொண்டு வந்து குவிப்பர்.
	தும்பியானாது பெண்களின் முகத்தை தாமரை மலர் என கருதி செல்லும். இது முழுநிலவை தொடர்ந்து செல்லும் கரு மேகங்கள் போல இருக்கும்.

அருஞ்சொற்பொருள்

• மைவனம் = மலைநெல்
• முருகியம் = குறிஞ்சிப்பறை
• பூஞ்சினை = பூக்களை உடைய கிளை
• சிறை = இறகு
• சாந்தம் = சந்தனம்
• பூவை = நாகணவாய்ப் பறவை
• பொலம் = அழகு
• கடறு = காடு
• முக்குழல் = கொன்றை, ஆம்பல், மூங்கில் ஆகியவற்றால் ஆன குழல்கள்
• பொலி = தானியக்குவியல்
• உழை = ஒரு வகை மான்.
• வாய்வெரீஇ = சோர்வால் வாய் குழறுதல்
• குருளை = குட்டி
• இனைந்து = துன்புறுதல்
• உயங்குதல் = வருந்துதல்
• படிக்குஉற = நிலத்தில் விழ
• கோடு = கொம்பு
• கல் = மலை
• முருகு = தேன், மணம், அழகு
• மல்லல் = வளம்
• செறு = வயல்
• கரிக்குருத்து = யானைத்தந்தம்
• போர் = வைக்கோற்போர்
• புரைதப = குற்றமின்றி.
• தும்பி = ஒருவகை வண்டு
• துவரை = பவளம்
• மரை = தாமரை மலர்
• விசும்பு = வானம்
• மதியம் = நிலவு

இலக்கணக்குறிப்பு

• பைங்கிளி = பண்புத்தொகை
• பூவையும் குயில்களும், முதிரையும், சாமையும், வரகும் = எண்ணும்மைகள்.
• இன்னிளங்குருளை = பண்புத்தொகை
• அதிர்குரல் = வினைத்தொகை
• மன்னிய = பெயரெச்சம்
• வெரீஇ = சொல்லிசை அளபெடை
• கடிகமழ் = உரிச்சொற்றொடர்
• மலர்க்கண்ணி = மூன்றாம் வேற்றுமைஉருபும் பயனும் உடன் தொக்க தொகை;
• எருத்துக்கோடு = ஆறாம் வேற்றுமைத்தொகை
• கரைபொரு = இரண்டாம் வேற்றுமைத் தொகை
• மரைமுகம் = உவமைத்தொகை
• கருமுகில் = பண்புத்தொகை
• வருமலை = வினைத்தொகை

இராவண காவியம் நூல் குறிப்பு

• இருபதாம் நூற்றாண்டில் தோன்றிய தனித்தமிழ்ப் பெருங்காப்பியம் இராவண காவியம்.
• “தனித்தமிழ்ப் பெருங்காப்பியம்” எனப்படும் நூல் = இராவண காவியம்.
• இராவண காவியம் நூலில் உள்ள காண்டங்களின் எண்ணிக்கை = 5.
• இராவண காவியம் நூலில் உள்ள பாடல்களின் எண்ணிக்கை = 3100.
• இந்நூல் தமிழகக் காண்டம், இலங்கைக் காண்டம், விந்தக் காண்டம், பழிபுரி காண்டம், போர்க்காண்டம் என ஐந்து காண்டங்களையும் 3100 பாடல்களையும் கொண்டது.
• இந்நூல் புலவர் குழந்தை அவர்களால் இயற்றப்பட்டது.
• தமிழகக் காண்டத்திலுள்ள பாடல்கள் இங்கு இடம்பெற்றுள்ளன.
• இராமாயணத்தில் எதிர்நிலை மாந்தராகப் படைக்கப்பட்ட இராவணனை முதன்மை நாயகனாகக் கொண்டு இயற்றப்பட்டது இராவண காவியம்.

இராவண காவியம் நூல் பற்றி அறிஞர் அண்ணா

• “இராவண காவியம் காலத்தின் விளைவு. ஆராய்ச்சியின் அறிகுறி. புரட்சிப் பொறி. உண்மையை உணர வைக்கும் உன்னத நூல்” – பேரறிஞர் அண்ணா.

புலவர் குழந்தை ஆசிரியர் குறிப்பு

• இராவண காவியம் நூலின் ஆசிரியர் = புலவர் குழந்தை.
• தந்தை பெரியாரின் வேண்டுகோளுக்கிணங்க 25 நாள்களில் இவர் திருக்குறளுக்கு உரை எழுதியுள்ளார்.
• யாப்பதிகாரம், தொடையதிகாரம் உள்ளிட்ட முப்பதுக்கும் மேற்பட்ட இலக்கண, இலக்கிய நூல்களைப் படைத்துள்ளார்.

கோர்வை/கோவை

• கோ என்பது வேர்ச்சொல்.
• கோப்பு, கோவை, கோத்தல், கோத்தான், கோத்தாள் என்பதே சரி.
• எ.கா;
  • ஆசாரக்கோவை,
  • ஊசியில் நூலைக் கோத்தான்.

 

 

• புறநானூறு
• தண்ணீர்
• துணைவினைகள்
• ஏறு தழுவுதல்
• மணிமேகலை
• அகழாய்வுகள்
• வல்லினம் மிகும் இடங்கள்
• திருக்குறள்
• இயந்திரங்களும் இணையவழிப் பயன்பாடும்
• ஒ என் சமகாலத் தோழர்களே
• உயிர்வகை