10TH வினா விடை வகைகள் ஒருபொருட்பன்மொழி
10TH வினா விடை வகைகள் ஒருபொருட்பன்மொழி
- வினா என்றால் என்ன, அதன் வகைகள் பற்றியும், விடை என்பதன் வகைகள் பற்றியும், ஒருபொருட் பன்மொழி என்றால் என்ன என்பதனையும் இங்கு அறிந்துக் கொள்வோம்.
வினா
- “என்ன? எப்படி? எங்கு? ஏன்? என வினா மேல் வினாவைக் கேட்டு விடையை அறிய விரும்புகிறவனே சிறந்த அறிவாளியாக ஆக முடியும்” என்று கூறியவர்கள் = சாக்ரட்டீஸ், தந்தை பெரியார்.
JOIN OUR TELEGRAM CHANNEL – T.ME/TNPSC_WINNERS
வினா எத்தனை வகைப்படும்
- வினா ஆறு வகைப்படும். அவை,
- அறிவினா
- அறியா வினா
- ஐய வினா
- கொளல் வினா
- கொடை வினா
- ஏவல் வினா
அறிவினா என்றால் என்ன
- தான் ஒரு பொருளை நன்கறிந்திருந்தும் அப்பொருள் பிறர்க்குத் தெரியுமா என்பதனை அறியும்பொருட்டு வினாவப்படும் வினா அறிவினா.
- எ.கா = திருக்குறளை இயற்றியவர் யார்? என ஆசிரியர் மாணவனிடம் வினவுவது.
அறியாவினா என்றால் என்ன
- தான் அறியாத ஒரு பொருளை அறிந்துகொள்வதற்காகப் பிறரிடம் வினவுவது அறியாவினா எனப்படும்.
- எ.கா = எட்டுத்தொகை நூல்களுள் புறம் பற்றியன எவை ? என மாணவன் ஆசிரியரிடம் வினவுவது.
ஐயவினா என்றால் என்ன
- தனக்கு ஐயமாக இருக்கின்ற ஒருபொருள் குறித்து, ஐயத்தினைப் போக்கிக் கொள்வதற்காக வினவப்படும் வினா, ஐயவினா எனப்படும்.
- எ.கா = அங்கே கிடப்பது பாம்போ ? கயிறோ?
கொளல் வினா என்றால் என்ன
- தான் ஒரு பொருளை வாங்கிக்கொள்ளும்பொருட்டுக் கடைக்காரரிடம் வினவும் வினா, கொளல்வினா எனப்படும்.
- எ.கா = பருப்பு உள்ளதா? என வணிகரிடம் வினவும் வினா.
கொடை வினா என்றால் என்ன
- தான் ஒரு பொருளைக் கொடுப்பதற்காக, அப்பொருள் இருத்தலைப்பற்றிப் பிறரிடம் வினவுவது, கொடைவினா எனப்படும்.
- எ.கா = மாணவர்களே! உங்களுக்குச் சீருடை இல்லையோ?
ஏவல் வினா என்றால் என்ன
- ஒரு தொழிலைச் செய்யும்படி ஏவும் வினா, ஏவல் வினா எனப்படும்.
- எ.கா = மனப்பாடச் செய்யுளைப் படித்தாயா?, முருகா சாப்பிட்டாயா?
விடை என்றால் என்ன
- வினாவிற்கு ஏற்ப விடையளிப்பதுதான் மொழிநடையின் சிறப்பு.
- வினாவும் விடையும் பிழையின்றி அமைதலே முறை.
விடையின் வேறு பெயர்கள்
- இறை, செப்பு, பதில் என்பன விடையின் வேறுபெயர்கள் ஆகும்.
விடை எத்தனை வகைப்படும்
- விடை எட்டு வகைப்படும். அவை,
- சுட்டு விடை
- மறை விடை
- நேர் விடை
- ஏவல் விடை
- வினாஎதிர்வினாதல் விடை
- உற்றதுரைத்தல் விடை
- உறுவது கூறல் விடை
- இனமொழி விடை
சுட்டு விடை என்றால் என்ன
- “சென்னைக்கு வழி யாது?” என்று வினவினால், ‘இது’ என்பது போலச் சுட்டிக் கூறும் விடை, சுட்டுவிடை.
மறை விடை என்றால் என்ன
- எதிர்மறுத்துக் கூறல் விடை = மறை விடை.
- “இது செய்வாயா?” என்று வினவியபோது, செய்யேன் என்பது போல எதிர்மறுத்துக் கூறும் விடை, எதிர்மறைவிடை.
நேர் விடை என்றால் என்ன
- உடன்பட்டுக் கூறுதல் = நேர் விடை ஆகும்.
- “இது செய்வாயா?” என்று வினவியபோது, செய்வேன் என்று உடன்பட்டுக் கூறும் விடை, நேர்விடை.
ஏவல் விடை என்றால் என்ன
- “இது செய்வாயா?” என்று வினவியபோது, ‘நீயே செய்’ என்று ஏவிக்கூறுவது ஏவல்விடை.
வினாஎதிர்வினாதல் விடை என்றால் என்ன
- “இது செய்வாயா ?” என்று வினவியபோது, ‘செய்யாமலிருப்பேனோ ?’ என்று வினாவையே விடையாகக் கூறுவது, வினாஎதிர்வினாதல் விடை ஆகும்.
உற்றதுரைத்தல் விடை என்றால் என்ன
- “இது செய்வாயா ?” என்று வினவியபோது, ‘உடம்பு நொந்தது’ என்று தனக்கு உற்றதனை விடையாகக் கூறுவது, உற்றதுரைத்தல்விடை.
உறுவதுகூறல் விடை என்றால் என்ன
- “செய்வாயா?” என்னும் வினாவிற்குக் ‘கை வலிக்கும்’ எனத் தனக்கு வரப்போவதனை விடையாகக் கூறுவது, உறுவதுகூறல்விடை.
இனமொழிவிடை என்றால் என்ன
- “ஆடுவாயா?” என்று வினவியபோது, ‘பாடுவேன்’ என ஆடுவதற்கு இனமான பாடுவதனை விடையாகக் கூறுவது, இனமொழிவிடை.
வெளிப்படை விடை
- வெளிப்படை விடைகள் = மூன்று.
- சுட்டு, மறை, நேர் ஆகிய மூன்றும் வெளிப்படை.
குறிப்பு விடைகள்
- குறிப்பு விடைகள் = ஐந்து.
- ஏவல், வினா எதிர்வினாதல், உற்றதுஉரைத்தல், உறுவதுகூறல், இனமொழி ஆகிய ஐந்தும் வினாக்களுக்கு உரிய விடையைக் குறிப்பால் உணர்த்துவன.
ஒருபொருட்பன்மொழி என்றால் என்ன
- ஒரு பொருளையே தரும் பல சொற்கள் தொடர்வது, ஒருபொருட் பன்மொழியாகும்.
- எ.கா:
- திருமால் குன்றம் உயர்ந்தோங்கி நிற்கிறது.
- அந்த ஏழைக் குழந்தையின் கண்கள் குழிந்தாழ்ந்து.
- இவ்விரு தொடர்களிலும் ஒருபொருள் குறித்துத் தொடர்ந்துவரும் இருசொற்கள் உள்ளன. அவை உயர்ந்தோங்கிய, குழிந்தாழ்ந்து என்பவை. உயர்ந்து, ஓங்கி ஆகிய இரு சொற்களும், உயர்ந்த என்னும் ஒரே பொருளிலும், குழிந்து, ஆழ்ந்து என்பவை குழிந்து என்னும் ஒரே பொருளிலும் வருகின்றன.
- எ.கா:
- நடுமையம்.
- மீமிசை ஞாயிறு.
- இத் தொடர்களில் நடுப்பகுதி என்னும் ஒரே பொருளை உணர்த்தும் நடு, மையம் என்னும் இருசொற்களும், மேற்பகுதி என்னும் பொருளைத் தரும் மீ, மிசை என்னும் இருசொற்களும் இணைந்து வந்து ஒரே பொருளை உணர்த்தியுள்ளன.
- பெரியாரின் பெண் விடுதலைச் சிந்தனைகள்
- 10TH வினா விடை வகைகள் ஒருபொருட்பன்மொழி
- 10TH வினா விடை வகைகள் ஒருபொருட்பன்மொழி
- 10TH வினா விடை வகைகள் ஒருபொருட்பன்மொழி
- சொல்
- தொகைச்சொல்
- கம்பராமாயணம்
- அண்ணல் அம்பேத்கர்
- இலக்கணம் – பொது
- நற்றிணை
- புறநானூறு
- பேச்சுக்கலை