11TH TAMIL படைப்பாக்க உத்திகள்
11TH TAMIL படைப்பாக்க உத்திகள்
- உவமை வினை (தொழில்), பயன், வடிவம் (மெய்), உரு (நிறம்) ஆகிய நான்கின் அடிப்படையில் தோன்றும் என்றார் தொல்காப்பியர்.
|
வினை பயன் மெய் உரு என்ற நான்கே வகைபெற வந்த உவமத் தோற்றம் – (தொல்காப்பியம் – 1222) |
- எடுத்துக்காட்டு
- புலி போலப் பாய்ந்தான் – வினை (தொழில்)
- மழை போலக் கொடுக்கும் கை – பயன்
- துடி போலும் இடை – வடிவம் (மெய்)
- தளிர் போலும் மேனி – உரு (நிறம்)
உவமையின் உறுப்புகள்
- கண்ணன் புலி போலப் பாய்ந்தான், என்பதில்,
- கண்ணன் – உவமேயம் (பொருள்)
- புலி – உவமானம் (உவமை)
- போல – உவம உருபு
- பாய்தல் – பொதுத்தண்மை
- இந்த நான்கு உறுப்புகள் உவமையை அமைக்கின்றன.
உருவகம் என்றால் என்ன
- ஒப்பீட்டுச் செறிவும் பொருள் அழுத்தமும் சிறக்க அமையும் பொழுது அது உருவகம் எனப்படுகிறது.
- உவமை, உவமைத் தொகையாகி உருவகமாக ஆயிற்று.
- உவமையையும் உவமிக்கப்படும் பொருளையும் வேறுபடுத்தாமல் இரண்டும் ஒன்றே எனக் கூறுவது ‘உருவகம்’ ஆகும்.
- உருவகத்தொடரில் உவமேயம் (உவமிக்கப்படும் பொருள்) முன்னும், உவமை (ஒப்பாகக் காட்டப்படும் பொருள்) பின்னுமாக அமையும்.
- உவமையின் செறிவார்ந்த வடிவமே உருவகம்.
- தாமரை போலும் முகம் என்ற உவமை செறிவூட்டப்பட்டு முகத்தாமரை என உருவகத்தை உருவாக்குகிறது.
உருவகம் – எடுத்துக்காட்டுகள்
- முகத்தாமரை
- சினத்தீ
- தீயின் குழம்புகள்
- செழும்பொன் காய்ச்சிவிட்ட ஓடைகள்
- தங்கத்தீவுகள்
- நீலப்பொய்கைகள்
- தங்கத்தோணிகள்
- கருஞ்சிகரங்கள்
- தங்கத்திமிலங்கள்
- நீலவயலின் நட்சத்திர மணிகள்
- மலைக்கிழவியின் நரைத்த கூந்தல்
உருவகத்தின் வகைகள்
- உருவகம் நான்கு வகைகள். அவை,
- வினை உருவகம்
- பயன் உருவகம்
- வடிவ (மெய்) உருவகம்
- உரு (நிறம்) உருவகம்
உள்ளுறை உவமம்
- கவிஞர் தான் கூறக்கருதிய பொருளை வெளிப்படையாகக் கூறாமல், அகமாந்தரின் மன உணர்வுகளைக் கருப்பொருள்கள் மூலம் உவமைப்படுத்துவதை உள்ளுறை உவமம் (உவமை) என்பர்.
- உள்ளுறை உவமம் என்பது தமிழ் இலக்கியத்திற்கே உரிய ஒப்பற்ற நெறி.
- அன்பிற்கு ஆட்படும் தலைவன் தலைவியரின் எண்ணங்களைச் சொற்களால் வெளிப்படுத்தாமல் நாகரிகமாக மறைத்துக் கூறுவதற்காக அமைத்துக்கொள்ளும் வடிவமாகவும் இதைக் கருதுகின்றனர்.
- இலக்கியங்களில் காணப்படும் கருப்பொருள்களின் காட்சி இயற்கைப் புனைந்துரைகளாக மட்டும் நின்றுவிடாமல், பாடல்களில் இடம்பெறும் மாந்தர்களின் உள்ளத்தெழும் உணர்வுகளின் குறிப்புப் பொருளாகவும் உள்ளுறை அமையும்.
- கவிதைகளில் உள்ள குறிப்புப்பொருள் காலம் கடந்து நிற்கும் ஆற்றல் உடையது.
- எனவே கருப்பொருள் கொண்டு விளக்கப்படும் குறிப்புப் பொருளாகிய உள்ளுறை உவமம் தமிழிலக்கியத்தின் நேரிய, இனிய, நாகரிக வழியாகும்.
- வினை, பயன் போன்ற அடிப்படையில் தோன்றுபவை = உள்ளுறை
- குறியீடுகளை கொண்டு உருவாக்கப்படுபவை = உள்ளுறை
உள்ளுறை உவமும், இறைச்சியும்
- கவிஞர், தெரியாத பொருள் ஒன்றைத் தெளிவாக விளக்குவதற்குத் தெரிந்த பொருளை உவமையாகப் பயன்படுத்துவர்.
- வெளிப்படையாகப் பொருள் கூறினால் உவமை.
- உவமைக்குள் மற்றொரு பொருளைக் குறிப்பாக உணர்த்தினால் உள்ளுறை உவமை.
- குறிப்புப் பொருளுக்குள் மேலும் ஒரு குறிப்புப் பொருள் அமைந்திருக்குமானால் அதற்கு இறைச்சி என்று பெயர்.
- உள்ளுறை உவமம் கவிதைப் பொருளோடு சேர்ந்து காணப்படுகிறது.
- இறைச்சிப் பொருள் கவிதைப்பொருளின் புறத்தே குறிப்புப் பொருளாய் வெளிப்படுகிறது.
இறைச்சி என்றால் என்ன
- உள்ளுறை போன்றே இறைச்சி என்பதும் அகப்பாடலில் வருகின்ற மற்றொரு உத்தி ஆகும்.
- இதுவும் குறிப்புப் பொருளில்தான் வரும்.
- இறுத்தல் என்றால் தங்குதல் எனப் பொருள்படும்.
- உரிப்பொருளோடு நேரிடைத் தொடர்பில்லாத குறிப்புப் பொருளே இறைச்சி ஆகும்.
- இது வடமொழியினர் குறிப்பிடுகிற தொனிக்கு இணையானது.
- தொனி அகப்பாடலிலும் புறப்பாடலிலும் வரும்.
- ஆனால், இறைச்சி அகப்பாடலில் மட்டுமே வரும்.
- திருமலை முருகன் பள்ளு
- ஐங்குறுநூறு
- யானை டாக்டர்
- இலக்கணம் – புணர்ச்சி விதிகள்
- இலக்கணம் – மெய்ம்மயக்கம்
- சான்றோர் சித்திரம் – ஆபிரகாம் பண்டிதர்
- மலை இடப்பெயர்கள் – ஓர் ஆய்வு
- காவடிச்சிந்து
- குறுந்தொகை
- புறநானூறு
- வாடிவாசல்
- இலக்கணம் – பகுபத உறுப்புகள்
- சான்றோர் சித்திரம் – சி.வை.தாமோதரனார்
- சித்திரகவி
- திருக்குறள்
- தமிழக கல்வி வரலாறு