Table of Contents

11TH TAMIL யானை டாக்டர்

காட்டின் மூலவர்

டாக்டர் கிருஷ்ணமூர்த்தி, யானைகளின் உடல்நிலையை பேணுவதற்காக உருவாக்கிய விதிமுறைகள் தான் “இந்திய வனவியல் துறையின்” கையேடாக இன்றும் உள்ளது.

கயம், அரசுவா, அல்லியன், அனுபமை, வேழம், களிறு, பிளிறு, களபம், மாதங்கம், கைம்மா, வாரணம், அஞ்சனாவதி, அத்தி, அத்தினி, ஆனை, இபம், இரதி, குஞ்சரம், வல்விலங்கு, கரி, அஞ்சனம்.

மனிதர்கள் தவிர்த்த மற்றைய விலங்குகளுள் யானைகள், அதிக நாள்கள் வாழும் தரைவாழ் விலங்குகள் ஆகும்.
வேட்டை விலங்குகளாகவும் காட்டுயிர்களின் உணவுப் படிநிலையில் உயர்நிலையிலுள்ளவையாகவும் இருக்கின்ற சிங்கம், புலி முதலியனவும் நெருங்க அஞ்சும் வலிமை கொண்டவை யானைகள்.
இவை குடும்பமாக வாழும்; மிகுதியான நினைவாற்றல் கொண்டவை.
யானைகளுள் மூன்று வகைகள் இன்று உலகில் எஞ்சியுள்ளன.
அவை ஆப்பிரிக்கப் புதர்வெளி யானைகள், ஆப்பிரிக்கக் காட்டு யானைகள், ஆசிய யானைகள் ஆகியனவாகும்.
பொதுவாக எல்லா யானைகளும் ஏறத்தாழ 70 ஆண்டுகள்வரை உயிர் வாழ்கின்றன.

யானை டாக்டர் என்று அழைக்கப்பட்ட டாக்டர் வி. கிருஷ்ணமூர்த்தி, தமிழகத்தின் முக்கியமான காட்டியல் வல்லுநர்களில் ஒருவர்.
யானைகளுக்காகத் தம் வாழ் நாளையே அர்ப்பணித்தவர்.
உலகப்புகழ் பெற்ற அறிவியல் இதழ்களில் ஆய்வுக்கட்டுரைகளை எழுதியிருக்கின்றார்.
வனப்பேணுநர்களுக்கு வழங்கப்படும் மிக உயரிய விருதான வேணுமேனன் ஏலீஸ் விருதினை 2000ஆம் ஆண்டில் பெற்றார்.
தமிழகக் கோவில் யானைகளுக்கு வனப் புத்துணர்ச்சித் திட்டத்தை அறிமுகப்படுத்தி, அரசின் மூலம் செயல்படுத்தியவர்.

ஜெயமோகன், நாகர்கோவிலைச் சேர்ந்தவர்.
விஷ்ணுபுரம், கொற்றவை உள்ளிட்ட பல புதினங்களோடு, சிறுகதைகளும் கட்டுரைகளும் எழுதியுள்ளார்.
இயற்கை ஆர்வலர்.
யானையைப் பாத்திரமாக வைத்து ஊமைச்செந்நாய், மத்தகம் ஆகிய கதைகளையும் எழுதியுள்ளார்.
யானை டாக்டர் என்னும் இந்தக் குறும் புதினம் ‘அறம்’ என்னும் சிறுகதைத் தொகுப்பில் இடம்பெற்று உள்ளது.