11TH TAMIL ஆனந்தரங்கர் நாட்குறிப்பு

11TH TAMIL ஆனந்தரங்கர் நாட்குறிப்பு

• பன்மொழிப் புலமையும் பல்துறை ஆளுமையும் கொண்ட ஆனந்தரங்கர் புதுச்சேரி வரலாற்றினைப் பதிவு செய்தவர்களில் முதன்மையானவர்.
• அவருடைய நாட்குறிப்பு, 18ஆம் நூற்றாண்டின் புதுவை வரலாற்றினை அறிந்துகொள்ள நமக்குக் கிடைத்த அரிய பெட்டகமாகும்.
• புதுச்சேரியில் பிரெஞ்சு ஆட்சியின் எழுச்சியும் வீழ்ச்சியும் அவரின் வாழ்வோடு ஒன்றியிருப்பது ஓர் அரிய நிகழ்வு.

நாட்குறிப்பு என்றால் என்ன

• நாட்குறிப்பு என்பது தனிமனிதர் ஒருவரின் அன்றாட நிகழ்வுகளை அல்லது பணிகளைப் பதிவு செய்யும் ஏடாகும்,
• இதனை ஆங்கிலத்தில் ‘டைரி’ என்று அழைப்பர்.
• டைரியம் என்னும் இலத்தீன் சொல்லின் மூலமான ‘டைஸ்’ என்ற சொல்லில் இருந்து இச்சொல் உருவாயிற்று.

நாட்குறிப்புகளின் முன்னோடி

• நாட்குறிப்புகளின் முன்னோடியாகத் திகழ்வது EPHEMERIDES என்று அழைக்கப் பெறும் கிரேக்கக் குறிப்பேடு ஆகும்.
• EPHEMERIDES என்பதன் பொருள் = ஒரு நாளுக்கான முடிவு.

நாட்குறிப்பு எழுத்தும் வழக்கம்

• முகலாய மன்னர்களில் பாபர் காலம் முதல் நாட்குறிப்பு எழுதும் வழக்கம் இருந்து வந்துள்ளது.
• நாட்குறிப்பு எழுத தடை செய்யப்பட்ட ஆட்சி = அவுரங்கசீப் ஆட்சிக் காலத்தில்
• 1498 இல் ஐரோப்பாவிலிருந்து இந்தியாவுக்குக் கடல்வழியைக் கண்டுபிடித்த போர்ச்சுகீசிய மாலுமி வாஸ்கோடகாமா நாட்குறிப்பு எழுதும் பழக்கம் உள்ளவர்.
• அவருடைய நாட்குறிப்புகள் ஆல்வாரோ வெல்லோ என்பவரால் பதிவு செய்யப்பட்டுள்ளன.

ஆனந்தரங்கர்

• ஆனந்தரங்கரின் காலம் = 18 ஆம் நூற்றாண்டு ஆகும்.
• இவர் பிரெஞ்சுக் கிழக்கிந்தியக் குழுமத்தின் மொழிபெயர்ப்பாளராகவும் துய்ப்ளே என்ற பிரெஞ்சு ஆளுநரின் மொழிபெயர்ப்பாளராகவும் பணியாற்றியவர்.

• “ஆனந்தரங்கர் நாட்குறிப்பு பற்றி மேலும் அறிந்துக் கொள்ள இங்கே கிளிக் செய்யவும்”

சிறந்த வரலாற்று ஆவணம்

• இவருடைய நாட்குறிப்புகள் 25 ஆண்டுகாலத் தென்னிந்திய வரலாற்றை வெளிப்படுத்துவதோடு, அக்காலத்திய பிரெஞ்சு அரசு பற்றி அறிய உதவும் சிறந்த வரலாற்று ஆவணமாகவும் இலக்கியமாகவும் திகழ்கின்றன.

ஆனந்தரங்கர் வாழ்க்கை குறிப்பு

• பிரான்சுவா மர்த்தேனுக்கு பிறகு புதுச்சேரியின் தலைமை பொறுப்பை ஏற்றவர் = கியோம் ஆந்த்ரே
• கியோம் ஆந்த்ரே அவர்களிடம் தரகராக பணியாற்றியவர் = நைனியப்பர்
• நைனியப்பரின் மைத்துனர் = திருவேங்கடம்
• திருவேங்கடத்தின் மகன் = ஆனந்தரங்கர்
• ஆனந்தரங்கர் பிறப்பு = 1709 ஆம் ஆண்டு மார்ச் 30 ஆம் நாள், இடம் = பெரம்பூர்

கிடங்குத்தலைவர்

• தன்னுடைய 17 வயதில் தந்தையை இழந்த ஆனந்தரங்கர், பிரெஞ்ச் உயர் அதிகாரி “அலனுவார்” என்பவரின் உதவியால் பரங்கிப்பேட்டை நெசவுச்சாலைக்கும், சாயம் தேய்க்கும் கிடங்குக்கும் தலைவராக நியமிக்கப்பட்டார்.

தலைமை மொழிபெயர்ப்பாளர்

• பிரெஞ்ச் ஆளுநர் “துய்ப்ளே” காலத்தின் அவ்வரசின் தலைமை மொழிபெயர்ப்பாளராக பணியாற்றினார்.
• புதுச்சேரியின் அதிகாரம் மிக்க ஒருவராக உயர்ந்தார்.

நாட்குறிப்பு நிகழ்வுகள்

• ஆனந்தரங்கர், தம்முடைய நாட்குறிப்பில் ஒவ்வொரு நாள் நிகழ்வுக்கும் ஆண்டு, திங்கள், நாள், கிழமை, அந்த நாளின் நேரம், நிகழ்விடம் ஆகியவற்றைக் குறிப்பிட்டே செய்திகளை எழுதியுள்ளார்.

நாணய அச்சடிப்பு உரிமை

• 09.1736 ஆம் நாள் குறிப்பு = பிரெஞ்சு ஆளுநர் டூமாஸ் நாணய அச்சடிப்பு உரிமையைப் பெற்றதை விளக்குகிறது. இந்த உரிமையைப் பெறுவதற்காக ஆளுநர் செலவழித்த பெருந்தொகையையும் ஆனந்தரங்கர் குறிப்பிட்டுள்ளார்.
• புதுச்சேரியில் நாணயம் அச்சிடும் உரிமையை நிஜாமிடமிருந்து பிரெஞ்சு வணிகக் கழகம் பெற்றது.
• இதற்கான ஆணையை 10.09.1736 அன்று கனகராயர் பல்லக்கில் வைத்து ஊருக்குள் கொண்டு வந்தார்.
• 21 பீரங்கிகள் முழங்கின.

சென்னையை கைப்பற்றல்

• ஆங்கிலேயர் கட்டுப்பாட்டில் இருந்த சென்னையை கைப்பற்றிய பிரெஞ்ச் தளபதி = 1746 இல் பிரெஞ்ச் கப்பல் தளபதி லெபூர்தொனே கைப்பற்றினார்
• பிரெஞ்ச் அரசை எதிர்த்து ஆற்காடு நவாப் அன்வர்தீன்கானின் மூத்த மகன் மகபூஸ்கான் போரிட்டார்.

வரலாற்று ஆசிரியர்

• ஆனந்தரங்கர் ஒரு வரலாற்று ஆசிரியர் போல பல்வேறு அரசியல் நிகழ்வுகளை தமது நாட்குறிப்பில் குறிப்பிட்டுள்ளார். அவையாவன,
  • தேவனாம்பட்டணத்தை கைப்பற்ற ஆங்கிலேயருடன் பிரெஞ்ச் அரசு நடத்திய போர்
  • ஆம்பூர் போர்கள்
  • தஞ்சைக் கோட்டை மீதான முற்றுகை
  • இராபர்ட் கிளைவ் படையெடுப்பு
  • ஆங்கிலேயர் புதுச்சேரியை முற்றுகையிடல்

• • “ஆனந்தரங்கர் நாட்குறிப்பு பற்றி மேலும் அறிந்துக் கொள்ள இங்கே கிளிக் செய்யவும்”

சென்னை கோட்டை முற்றுகை

• 1758 இல் சென்னை கோட்டையை முற்றுகையிட்டார் = பிரெஞ்ச் அதிகாரி லல்லி
• கோட்டையை இடித்தும் வீடுகளை தரைமட்டமாக்கியும் கூட லல்லியால் சென்னையை கைப்பற்ற முடியவில்லை.
• சென்னை கோட்டையின் ஆளுநர் “மேஸ்தர் பிகட்” வெற்றி பெற்ற செய்திகளை ஆனந்தரங்கர் குறிப்பிட்டுள்ளார்.

நாட்குறிப்பு வெளிப்படுத்தும் சமுதாய செய்திகள்

• 06.1739ஆம் நாள் குறிப்பு = புதுச்சேரியின் ஆளுநர் ‘துய்மா’ பிறப்பித்த ஆணையில், புதுச்சேரிப் பட்டணத்திற்குள்ளேயும், சம்பாக் கோவிலுக்குத் தெற்காகப் போகிற உப்பங்கழிப் பகுதியிலும் பட்டணத்தின் வீதிகள் எவ்விடத்திலும் காலைக்கடன் கழிப்பவர்களுக்கு ஆறு பணம் தண்டம் விதிக்கப்படும் என்று குறிப்பிடப்பட்டுள்ளது.
• மீறியவர்களிடமிருந்து பெறப்பட்ட தண்டத்தொகையில் இரண்டு பணம் பிடித்துக் கொடுப்பவருக்கும், மீதி நான்கு பணம் சாவடிக்கும் உரியது என்று அறிவிக்கப்பட்டது.
• இது தெரியாமல் பலரும் தண்டம் கட்டியதாக’ ஆனந்தரங்கர் நாட்குறிப்பில் தெரிவித்துள்ளார்.

தண்டனை விவரங்கள்

• நீதி வழங்குதல், தண்டனை அளித்தல் முதலிய செய்திகளையும் இவருடைய நாட்குறிப்பு, பதிவு செய்துள்ளது.
• தொடர்ந்து வீடுகளில் திருடி வரும் கும்பல் ஒன்று பிடிபட்டபோது, அவர்களுள் தலைமைத் திருடனைக் கடைத்தெருவில் தூக்கில் தொங்கவிட்டனர்.
• ஏனைய இருவருக்கும் இரண்டு காதுகளை அறுத்து, ஐம்பது கசையடிகளும் தரப்பட்டன.

வணிகச் செய்திகள்

• ஆனந்தரங்கர் நாட்குறிப் பின் பெரும்பகுதி வணிகச் செய்திகளையே விவரித்துள்ளது.
• ஆனந்தரங்கரும் பிறரும் வணிகத்திற்கு முதன்மை அளித்துள்ளதை உணரமுடியும்.
• புதுச்சேரியில் இருந்து மணிலாவுக்குச் சென்ற கப்பலில் அழகப்பன் என்ற தமிழ் மாலுமி பணியாற்றியதையும் அவர் பதிவு செய்துள்ளார்.
• ஐரோப்பாவிலிருந்து இந்தியாவை அடைய, கப்பல்களுக்கு ஆறு திங்கள் தேவைப்பட்டன.
• 11.1737 அன்று பிரான்சிலிருந்து புறப்பட்ட கப்பல் 08.05.1738 அன்று புதுச்சேரியை அடைந்துள்ளது. கப்பல் வந்தவுடன் பீரங்கி முழங்குதல் வழக்கத்தில் இருந்துள்ளது.
• துணிகள், வர்த்தகருக்கு விற்கப்பட்ட போது உரிய இரசீதுகள் அவர்களிடமிருந்து பெறப்பட்டுள்ளன.
• 100க்கு 320 என்ற விகிதத்தில் அவர்கள் ஆறு திங்களுக்குள் கழகத்திற்குப் பணத்தைச் செலுத்திவிடுவதாகவும் கையெழுத்திட்டுக் கொடுத்தனர்.
• வணிகக் கழகத்தின் அதிகாரியான கொர்னே இவற்றைப் பெற்றுப் பாதுகாத்துள்ளார்.

ஆனந்தரங்கர் குறிப்பிடும் நாணயங்கள்

• எட்டு மாற்றுக்குக் குறைவான வராக நாணயங்களை வைத்திருப்பது தண்டனைக்குரிய குற்றம் என்று பிரெஞ்சு மன்னரின் ஆணையின் பேரில் 1730ஆம் ஆண்டு மே திங்களில் அறிவிக்கப்பட்டது.
• பல்வேறு விதமான வராகன்களை ஆனந்தரங்கர் குறிப்பிட்டுள்ளார்.
  1. புதுச்சேரிப் பிறை வராகன்
  2. சென்னைப் பட்டணத்து நட்சத்திர வராகன்
  3. வட்ட வராகன்
  4. பரங்கிப் பேட்டை வராகன்
  5. ஆரணி வராகன்

பேரிடர் நிகழ்ச்சி

• 1745 ஆம் ஆண்டு 21 ஆம் நாள் = வியாழக்கிழமை, புதுச்சேரியை பெரும் புயல் தாக்கியது
• பேரிடரால் உணவுக்கு தவித்த மக்களுக்கு, அப்போது ஒழுகரையிலே கனகராயர், பெருஞ்சோறு அளித்துத் தமிழரின் இரக்கத்தையும் ஈரத்தையும் வெளிப்படுத்தியதை ஆனந்தரங்கர் பெருமிதத்துடன் பதிவு செய்துள்ளார்.

வணிகத் தடை

• இங்கிலாந்திற்கும், பிரான்சுக்கும் இடையே போர் மூண்டதால் கப்பல் வணிகம் பெரிதும் தடைபட்டது.
• புதுச்சேரிக்குக் கப்பல்களின் வருகை 1745ஆம் ஆண்டில் தடைபட்டுப் பெரும் பொருளாதாரத் தட்டுப்பாடு தோன்றியது.
• புதுச்சேரி வணிகம் முழுவதும் வீழ்ந்தது.
• 06.1746ஆம் நாள் லெபூர்தொனேவின் ஒன்பது கப்பல்கள் புதுவைக்கு வந்தன.
• கப்பல் வருகையை அறிந்த மக்களின் உள்ள மகிழ்ச்சியை காகிதத்தில் எழுத இயலாது என தனது நாட்குறிப்பில் குறிப்பிட்டுள்ளார்.

ஆனந்தரங்கர் காலத்தில் வழக்கில் இருந்த நாணயங்கள்

480 காசு	ஒரு ரூபாய்
60 காசு	ஒரு பணம்
8 பணம்	1 ரூபாய்
24 பணம்	ஒரு வராகன்
ஒரு பொன்	1/2 வராகன்
1 வராகன்	3 அல்லது 3.2 ரூபாய்
1 மோகரி	14 ரூபாய் மதிப்புள்ள தங்க நாணயம்
1 சக்கரம்	1/2 வராகனுக்கும் கூடுதல் மதிப்புள்ள தங்க நாணயம்

ஆனந்தரங்கரின் இறுதிகால நாட்குறிப்புகள்

• ஆனந்தரங்கரின் இறுதிக்கால நாட்குறிப்புகள் ஆங்கிலேயர் புதுச்சேரி மீது நிகழ்த்திய முற்றுகையையும் புதுச்சேரியின் வீழ்ச்சியையும் பற்றி குறிப்பிடுகிறது.
• 1760 பிப்ரவரியில் புதுச்சேரியைத் தாக்க ஆங்கிலேயக் கப்பல்கள் வந்தன.
• ஆங்கிலேயப் படைகள் சாரம் வரை வந்துவிட்டதைப் பொதுமக்கள் வேடிக்கை பார்த்தனர்.
• குண்டு சாலையை ஆங்கிலேயர் பிடித்ததும் புதுச்சேரி நகரில் பீதி நிலவியது.
• தேவனாம்பட்டணத்தில் மேலும் மேலும் துருப்புகளை ஆங்கிலேயக் கப்பல்கள் இறக்கின.
• புதுச்சேரியைச் சுற்றியுள்ள பகுதிகள் அனைத்தையும் ஆங்கிலேயர்கள் கைப்பற்றினர்.
• புதுச்சேரியின் இவ்வாறான சூழ்நிலையில் ஏற்கெனவே நோய்வாய்ப்பட்டு இருந்த ஆனந்தரங்கரின் உடல்நிலை மிகவும் மோசமடைந்தது.
• 01.1761 திங்கள் கிழமை ஐந்து நாழிகைக்குப் பட்டணத்தின் மீது பீரங்கிக் குண்டுகள் விழுந்துகொண்டிருந்த வேளையில் ஆனந்தரங்கர் மறைந்தார்.

25 ஆண்டுகால தென்னிந்திய வரலாறு

• 1736ஆம் ஆண்டு செப்டம்பர் 6ஆம் நாள் தொடங்கி ஏறத்தாழ இருபத்தைந்து ஆண்டுகாலத் தென்னிந்திய வரலாற்றைப் பதிவுசெய்த ஆனந்தரங்கரின் நாட்குறிப்பு 1761ஆம் ஆண்டு ஜனவரி 11ஆம் நாளோடு முடிவடைந்துள்ளது.
• புதுச்சேரியின் முற்றுகை பற்றிய முடிவினைக் கூறாமலேயே நாட்குறிப்பும் முடிந்துள்ளது.
• ஆனந்தரங்கர் நாட்குறிப்பு 12 தொகுதிகளாக வெளிவந்துள்ளது.

ஆனந்தரங்கர் மீது பழி சுமத்தல்

• புதுச்சேரியின் ஆளுநராக லெறி இருந்த காலத்தில், புதுச்சேரியின் இராணுவ அரசியல் செய்திகளை முகலாயருக்கும், ஆங்கிலேயருக்கும் கூறுவதாக ஆனந்தரங்கர் மீது பழி சுமத்தப்பட்டது.
• அப்போது ஆளுநரிடம், ஆனந்தரங்கர், “இப்பட்டணத்தில் உம்முடைய அதிகாரம்தான் இறுதியானது. அநீதியாகவும் உண்மைக்கு மாறாகவும் நடக்க நீர் விரும்பினால் உம்மைத் தடுக்கும் அதிகாரம் ஒருவருக்கும் இல்லை.
• ஆகவே, என்னைக் காவலில் போட விரும்பினால் உடனே செய்யலாம்.
• பிற தண்டனையும் வழங்கலாம். இரண்டு சல்லிகூட நான் செலுத்த மாட்டேன்.
• சிறையில் அடைத்துவிடுவீர் எனப் பயந்து ஒரு வாரத்தில் பணம் தருவேன் என்று நீர் கருத வேண்டாம்.
• இவ்விவரம் தொகுதி 11 பக்கம் 81-84 இல் தெரிவிக்கப்பட்டுள்ளது.

• • “ஆனந்தரங்கர் நாட்குறிப்பு பற்றி மேலும் அறிந்துக் கொள்ள இங்கே கிளிக் செய்யவும்”

ஆனந்தரங்கர் பற்றிய நூல்கள்

• “ஆனந்தரங்கன் கோவை” என்ற நூலை எழுதியவர் = தியாகராய தேசிகர்
• “ஆனந்தரங்கன் பிள்ளைதமிழ்” என்ற நூலை எழுதியவர் = புலவரேறு அரிமதி தென்னகன்
• “வானம் வசப்படும்” என்னும் நூலை எழுதியவர் = பிரபஞ்சன்

ஆனந்தரங்கர் பற்றி உ.வே.சா கூற்று

• உ.வே.சா = “தமிழ்த்தாய் நெருப்பினாலும் வெள்ளத்தினாலும் பாதிக்கப்பட்டாலும் அவளது ஆபரணங்கள் தொலைவில் உள்ள நகரமான பாரீசில் மிகவும் பாதுகாக்கப்பட்டுப் பராமரிக்கப்படுகின்றன” என்கிறார்

ஆனந்தரங்கர் பற்றி வ.வே.சு ஐயர் கூற்று

• வ.வே.சு ஐயர் = “அந்தக் காலத்தில் நடந்த செய்திகளையெல்லாம் முக்கியமானது, முக்கியமில்லாதது என்று கூடக் கவனிக்காமல், ஒன்று தவறாமல் சித்திரகுப்தன் எழுதி வரும் பதிவைப் போல நல்ல பாஷையில் அன்றாடம் விஸ்தாரமாக எழுதி வைத்திருக்கிறார், ஆனந்தரங்கர்” என்றார்.

நாட்குறிப்பு இலக்கியத்தின் தந்தை

• உலக நாட்குறிப்பு இலக்கியத்தின் தந்தை எனப்படுபவர் = சாமுவேல் பெப்பிசு
• சாமுவேல் பெப்பிசு, ஆங்கிலேயக் கடற்படையில் பணியாற்றிய அவர் ‘இரண்டாம் சார்லஸ்’ மன்னர் காலத்து நிகழ்வுகளை (1660 – 1669) நாட்குறிப்பாகப் பதிவு செய்துள்ளார்.
• “இந்தியாவின் பெப்பிசு” எனப்படுபவர் = ஆனந்தரங்கர்
• ஆனந்தரங்கரும் 06.09.1736 முதல் 11.01.1761 வரை நாட்குறிப்பு எழுதியுள்ளார். இந்நாட்குறிப்பு இந்தியாவின் முதன்மையான நாட்குறிப்பாகும்.