11TH TAMIL ஆக்கப்பெயர்கள்
11TH TAMIL ஆக்கப்பெயர்கள்
- நமது முன்னோர்கள் சில பொருள்களுக்கு காரணம் கருதியும், சில பொருள்களுக்கு காரணம் இன்றியும் பெயர் வைத்தனர்.
- காலப்போக்கில் பொருளின் மாற்றத்தால் “காரணப் பெயர்கள் இடுகுறிப்பெயர்களாக” மாற்றம் அடைந்துள்ளன.
- நாற்காலி = காரணப்பெயர்.
- ஆனால், இன்று நான்கு கால் இல்லாத இருக்கைக்கும் நாற்காலி என்று பெயர் வைத்து அழைக்கிறோம்.
- காரணம் கருதி வைக்கப்பட்ட பெயர்கள் தற்பொழுது இடுகுறிப்பெயராக மாறியுள்ளன.
ஆக்கப்பெயர் என்றால் என்ன
- காரணப்பெயராகவோ, இடுகுறிப்பெயராகவோ அமைய நாம் உருவாக்கும் புதிய சொற்கள் ஆக்கப்பெயர் எனப்படும்.
- பெயர் அல்லது வினைச்சொற்களுடன் விகுதிகளைச் சேர்த்து ஆக்கப்படும் பெயர்ச் சொற்கள் ஆக்கப் பெயர்கள் (Derivative Noun) என்பர்.
ஆக்கப்பெயர் விகுதிகள் என்றால் என்ன
- பெயர்ச்சொற்களை ஆக்கப் பயன்படும் விகுதிகளை ஆக்கப்பெயர் விகுதிகள் என்பர்.
- ஆக்கப்பெயர்களில் தனிச்சிறப்பு உடையவை = விகுதிகளே ஆகும்.
ஆக்கப்பெயர் விகுதிகள்
- ஆக்கப்பெயர் விகுதிகள் = காரன், காரர், காரி, ஆள், ஆளர், ஆளி, தாரர், மானம், இயல், சாலி, தனம், துவம், ஐயம், ஆளன், மதி
ஆக்கப்பெயர்கள்
- தமிழ் மொழியில் ஆக்கப்பெயர்கள் பேச்சு வழக்கிலேயே மிகுதியாக உள்ளன.
- எ.கா = பூக்காரி, நெசவாளி / நெசவாளர், உழைப்பாளி / உழைப்பாளர், வண்டிக்காரன், சினிமாக்காரன், மாட்டுக்காரன், வீட்டுக்காரன், ஆட்டோக்காரன்
- “அறிவியல், திறமைசாலி, கோழைத்தனம், சமத்துவம், பெண்ணியம், பேச்சாளன், ஏற்றுமதி” ஆகியவை = ஆக்கப் பெயர்ச்சொற்கள் ஆகும்.
ஆக்கப்பெயர் வகைகள்
- ஆக்கப்பெயர்ச்சொற்களை ஈற்றில் நிற்கும் விகுதிகளைக் கொண்டு மூவகையாகப் பிரிக்கலாம். அவை,
- பெயருடன் சேரும் விகுதிகள்
- வினையுடனும் எச்சத்துடனும் சேரும் விகுதிகள்
- பெயருடனும் வினையுடனும் சேரும் விகுதிகள்
பெயருடன் சேரும் விகுதிகள்
- பெயருடன் சேரும் விகுதிகள் = காரன், காரர், காரி, ஆள், ஆளர், ஆளி, தாரர்
- காரன், காரி, காரர் ஆகிய ஆக்கப்பெயர் விகுதிகள் உடைமை, உரிமை, உறவு அல்லது தொடர்பு, தொழில் அல்லது ஆளுதல் என்னும் நான்கு பொருள்களில் வரும்.
- தொழிற்பெயர் விகுதிகளுடன் ‘ஆளர்’ என்னும் ஆக்கப்பெயர் விகுதி சேர்ந்து சொற்கள் உருவாகின்றன.
- ‘ஆளர்’ ‘ஆளி’ முதலான விகுதிகள் இருபாற்பொதுப்பெயர்களை உருவாக்கத் துணை நிற்கின்றன.
வினையுடனும் எச்சத்துடனும் சேரும் விகுதிகள்
- வினையடியுடன் ‘மானம்’ என்னும் விகுதி சேர்ந்து புதிய சொற்கள் உருவாகின்றன.
பெயருடனும் வினையுடனும் சேரும் விகுதிகள்
- பெயருடன், வினையுடன் சேரும் விகுதி = அகம்.