யாப்பிலக்கண வரையறைக்கு உட்படாமல் சுதந்திரமான வெளிப்பாட்டோடும் கட்டற்ற தன்மையோடும் இன்றைய புதுக்கவிதை எழுதப்படுகிறது.
இஃது உவமை, உருவகம், படிமம், குறியீடு, அங்கதம், சிலேடை, முரண், இருண்மை முதலான பல்வேறு உத்திகளைத் தன்னகத்தே கொண்டு, கவிஞனின் விரிசிந்தனைக்கேற்பப் புதுப்புது வடிவமெடுக்கிறது.
“சுவைபுதிது, பொருள்புதிது, வளம்புதிது, சொற்புதிது சோதிமிக்க நவகவிதை”, என்று பாரதியார் பாடுவதைப் புதுக்கவிதைக்குரிய விளக்கமாகக் கொள்ளலாம்.
புதுக்கவிதையில் கவிஞன் எவ்விதக் கட்டுப்பாடுகளுமின்றித் தன் மனத்தில் தோன்றியதை, அதே உணர்வுடன் வெளிப்படுத்த முடிகிறது.
பாரதி தந்த புதுமை
முதன் முதலில் தமிழ்க்கவிதைகளில் புதிய முயற்சிகளை மேற்கொண்டவர் = பாரதியார்.
அவரின் கவிதை வடிவம் தமிழின் மரபான செய்யுள் வடிவமும் நாட்டார் பாடல்களின் ஓசை வடிவமும் கலந்தது.
தமிழில் புதுமையான வடிவத்தில் அமைந்த முதல் வசன கவிதை நூல் = பாரதியாரின் “காட்சி”.
சிந்துவுக்கு தந்தை
பாரதி, நாட்டுப்புறச் சிந்து இசையின் அடிப்படையில் அமைந்த கவிதைகளை பாடியதனால் “சிந்துவுக்கு தந்தை” என அழைக்கப்பட்டார்.
பாரதியார், ஷெல்லியின் கவிதையால் கவரப்பட்டு தனது பெயரை “ஷெல்லிதாசன்” என மாற்றிக் கொண்டார்.
பாரதிதாசன்
‘பாரதியின் கவிதாமண்டலத்தைச் சேர்ந்தவர்’ என்று பாரதியாரால் முன்மொழியப்பட்டவர் பாரதிதாசன்.
இவர், சாதி ஒழிப்பு, பெண் விடுதலை, தமிழ் வளர்ச்சி, மூடப்பழக்க வழக்கங்களை ஒழித்தல் முதலான கருத்துகளுக்கு முக்கியத்துவம் கொடுத்தவர்.
“புவியை நடத்து; பொதுவில் நடத்து” என்று முழங்கியவர் = பாரதிதாசன்.
‘பெட்டிக்கடை நாரணன்’, ‘விஞ்ஞானி’ போன்ற கவிதைகளை ந. பிச்சமூர்த்தி எழுதினார்.
எழுத்து இதழ்
“எழுத்து” இதழை துவங்கியவர் = சி.சு.செல்லப்பா.
எழுத்து இதழ் புதிய கவிஞர்களின் கவிதைகளுக்குக் களம் அமைத்துக்கொடுத்தது. புதுக்கவிதை குறித்த பல திறனாய்வுக் கட்டுரைகளும் அதில் வெளியாகின.
மயன், சிட்டி, வல்லிக்கண்ணன், வேணுகோபாலன், டி.கே.துரைஸ்வாமி (நகுலன்), தருமுசிவராமு (பிரமிள்), சி.மணி, சுந்தரராமசாமி (பசுவய்யா), எஸ். வைத்தீஸ்வரன் போன்றோர் எழுத்து இதழில் எழுதியவர்களுள் குறிப்பிடத்தக்கவர்கள்.
புதுக்குரல்கள்
தமிழில் புதுக்கவிதைத் தொகுப்பாகப் ‘புதுக்குரல்கள்’ என்னும் நூல் வெளிவந்தது.
இக்கவிதைத் தொகுப்பு உருவத்திலும் உள்ளடக்கத்திலும் பாரதியைப் பின்பற்றியது.
தெரிந்த பொருளைக் கொண்டு தெரியாத பொருளை உணர்த்துவது உவமை ஆகும்.
பொருள் உணர்த்தும் முறைகளில் உவமை முதலிடம் பெறுகிறது.
உருவகம் என்றால் என்ன
உவமையும் பொருளும் வேறுவேறல்ல, ஒன்றே எனக்கருதுமாறு செறிவுற அமைவது உருவகமாகும்.
படிமம் என்றால் என்ன
உவமை, உருவகம் என்பன மேன்மேலும் இறுகிய நிலையில்தான் படிமம் தோன்றுகிறது.
முற்றுருவகப் பாங்கில் அமைந்து, தெளிவானதோர் அகக் காட்சியை வழங்கும் ஆற்றலுடையதே படிமம் ஆகின்றது.
குறியீடு என்றால் என்ன
ஒரு குறிப்பிட்ட கருத்தைச் சொல்வதற்குப் பதிலாக அக்கருத்தைத் தன்னகத்தே மறைமுகமாகக் கொண்ட சொற்களையோ, காட்சிகளையோ குறியீடாகப் பயன்படுத்தி எழுதப்படும் கவிதை.
அங்கதம் என்றால் என்ன
அங்கதம் என்பது நகைப்புடன் கூடிய எள்ளலாகும்.
இது தீங்கையும் அறிவின்மையையும் கண்டனம் செய்வதாகவும், சமகால நிகழ்வுகளில் எதிரிடைப் பதிவுகளாகவும் அமையும்.
ஒன்றுக்கு ஒன்று எதிரானவற்றைக் கொண்டு அமைப்பது முரண் என்னும் உத்தியாகும்.
மரபுக் கவிதைகளில் இது முரண்தொடை எனக் கூறப்படும்.
மாறுபட்ட இரு பொருள்களை அடுத்தடுத்து இணைத்துப் பார்ப்பதில் சுவையும் கூடும்; நினைவிலும் நிற்கும்.
சிலேடை என்றால் என்ன
சிலேடை என்பது ஒருசொல் இருபொருள்பட வருவதாகும்.
பொதுவாகப் புதுக்கவிதை சொல்லலங்காரத்தை விரும்புவதில்லை.
இருண்மை என்றால் என்ன
சொல்லுக்கும் அஃது உணர்த்தும் பொருளுக்கும் இடையிலான தொடர்பு தெளிவற்றிருக்கும்.
படிப்பவர்தம் அறிவுக்கும் உணர்வுக்கும் அனுபவத்திற்கும் ஏற்ப அது வெவ்வேறு பொருளைத் தரும்.
புதிய கவிதை வடிவங்கள்
உலகளாவிய கவிதை வடிவங்களைப் பின்பற்றித் தமிழ்ச்சூழலுக்கேற்ற உள்ளடக்கங்களுடன் ஹைக்கூ, லிமெரிக், லிமெரைக்கூ, சென்ரியூ ஆகிய வடிவங்களில் கவிதைகள் எழுதப்படுகின்றன.
ஹைக்கூ என்றால் என்ன
16 ஆம் நூற்றாண்டில் ஜப்பானில் தோன்றிய பழைமையான ‘ரென்கா’ பாடல் மரபிலிருந்து ‘ஹைக்கூ’ கவிதை உருவானது.
“ரென்கா” என்ற பாடல் மரபில் இருந்து உருவான கவிதை வடிவம் = ஹைக்கூ
ஹைக்கூ கவிதை வடிவத்தினைத் முதன் முதலில் தமிழுக்கு அறிமுகம் செய்தவர் = பாரதியார்.
ஹைக்கூ கவிதைக்கு “துளிப்பா” என்று பெயரிட்டவர் = பாரதியார்.
தமிழில் ஐக்கூ கவிதையானது துளிப்பா, குறும்பா, சிந்தர், கரந்தடி, விடுநிலைப்பா, மின்மினிக்கவிதை, வாமனக் கவிதை, அணில் வரிக் கவிதை என்று பலவாறாக அழைக்கப்படுகிறது.
1916 – அக்டோபர், 16 ல் “சுதேசமித்திரன்” இதழில் “ஜப்பானிய கவிதை “எனும் இரண்டு பக்க அளவிலான சிறு கட்டுரையை முதன் முதலில் மகாகவி பாரதியார் தமிழில் வெளியிட்டதுதான் தமிழ் ஹைக்கூ பற்றிய முதல் அறிமுகம்.
தமிழில் வெளிவந்த முதல் ஹைக்கூ நூல் = 1984 ஆகஸ்ட்டில் ஓவியக் கவிஞர் அமுதபாரதி அவர்கள் “புள்ளிப் பூக்கள்” எனும் தனது ஹைக்கூ நூலை வெளியிட்டார்.
தமிழ் மொழியில் வெளி வந்த முதல் ஹைக்கூ கவிதை இதழ் = கரந்தடி
முதன் முதலில் மொழிபெயர்ப்பு இன்றி நேரடி தமிழில் ஹைக்கூ கவிதையை எழுதியவர் = கவிக்கோ அப்துல் ரகுமான். அவர் எழுதிய 5 ஹைக்கூ கவிதை “பால்வீதி” நூலில் இடம் பெற்றது.
ஹைக்கூ கவிதை மூன்று வரிகளால் ஆனது.
முதல் இரண்டு வரிகளில் கூறப்படும் கருத்தை மூன்றாவதுவரி விடுவிக்கும்.
மிக நுணுக்கமான ஒருகாட்சி அல்லது ஓர் அனுபவப் பதிவைக் கொண்டிருக்கும் ஹைக்கூ, கடைசி வரியில் படிப்பவரின் மனத்தில் வெளிச்சமான ஓர் உணர்வை ஏற்படுத்திவிடும்.
சென்ரியு கவிதை என்றால் என்ன
சென்ரியூ கவிதை என்பது ஹைக்கூ கவிதையின் பரிணாமமாகும்.
ஹைக்கூவின் கட்டுப்பாடுகளை உதறிவிட்டு, அது சுதந்திரமாக இயங்குகிறது.
ஹைக்கூவின் தத்துவமும் கருத்தாழமும் அதில் குறைவு.
அன்றாட வாழ்வியல் நிகழ்வுகளில் குறும்புத்தனமும் நகைச்சுவையும் கலந்து சென்ரியூ எழுதப்படுகிறது.
சென்ரியு கவிதையை “நகைப்பா” என்று அழைப்பர்.
சென்ரியு கவிதைகளை தமிழில் முதல் முதலாக அறிமுகப்படுத்தியவர் = ஈரோடு தமிழன்பன் ஆவார்.
தமிழில் வெளிவந்த முதல் சென்ரியு கவிதை நூல் = ஈரோடு தமிழன்பன் அவர்களின் “ஒரு வண்டி சென்ரியு” (2001) என்னும் கவிதை நூல் ஆகும்.
தமிழன்பனின் இக்கவிதை நூலே சென்ரியு கவிதைகளை ஹைக்கூ கவிதைகள் என்று அழைக்கும் அறியாமையைப் போக்கியது.
லிமெரிக் கவிதை என்றால் என்ன
லிமெரிக் கவிதை ஐந்து அடிகளைக் கொண்டிருக்கும்.
முதல், இரண்டாம் மற்றும் கடைசி அடிகளில் உள்ள கடைசிச்சொற்கள் தம்முள் ஒலி ஒற்றுமை கொண்டு, மழலையர் பாடல்கள் போல் இருக்கும்.
இவை நகைச்சுவை, எள்ளல் ஆகிய கூறுகளைக் கொண்டமைபவை ஆகும்.
லிமெரிக் கவிதையை “இயைபுக் குறும்பா” என்று அழைப்பர்.
லிமெரிக் (Limerick) என்பது ஆங்கில மொழியில் உள்ள ஒரு பாவகை ஆகும்.
எட்வர்ட் லியர் என்பவர் லிமெரிக் பாடல்களைப் படைத்த முதல் கவிஞராகக் கருதப்படுகிறார்.
தமிழில் லிமெரிக் கவிதை வடிவத்தை முதன் முதலில் அறிமுகம் செய்தவர் = ஈழத்து கவிஞர் மகாகவி ஆவார். இவர் இதனை குறும்பா எனும் பெயரால் அறிமுகப்படுத்துகிறார்.
குறும்பாக்களை (லிமெரிக்) முதன் முதலில் தமிழில் அறிமுகம் செய்தவர் = ஈழத்து கவிஞர் மகாகவி
லிமெரைக்கூ என்றால் என்ன
ஹைக்கூ கவிதையின் மூவடி எல்லையையும், லிமெரிக் கவிதையின் இயைபையும் கொண்டது லிமெரைக்கூ.
இது வாழ்வியலை நகைச்சுவையோடு வெளிப்படுத்துவது.
லிமெரைக்கூ கவிதையை “இயைபுத்துளிப்பா” என்று அழைப்பர்.
ஆங்கில மொழியில் ஹைக்கூ மற்றும் லிமரிக் வடிவங்களையும் இணைத்து ஒரு கலப்பு இனக் குறும்பா கண்டுபிடிக்கப் பட்டது.
உலகில் முதன் முதலில் லிமெரைக்கூ கவிதை வடிவை உருவாக்கியவர் = டெட் பாக்கர் (Ted Pauker) என்னும் கவிஞர்.
இவர் தம் கலப்பு இனக் குறும்பாவுக்கு லிமரைக்கூ (லிமரிக்+ஹைக்கூ) என்று பெயரிட்டார்.
தமிழில் முதன் முதலில் லிமெரைக்கூ கவிதையை எழுதியவர் = ஈரோடு தமிழன்பன்.
தமிழில் இத்தகைய கவிதை வடிவத்தை அறிமுகம் செய்த பெருமை தமிழன்பனுக்கு உரியதாகும்.
தமிழின் முதல் லிமரைக்கூ கவிதை நூல் = ஈரோடு தமிழன்பனின் ”சென்னிமலை கிளியோபாத்ராக்கள்” நூலாகும்.
தமிழில் முதன் முதலாக ஈரோடு தமிழன்பன் ‘லிமரைக்கூ’வைப் படைத்துள்ளார்.
தமிழில் முதன் முதலாக ‘லிமரைக்கூ’வைப் படைத்த ஈரோடு தமிழன்பன் ஆங்கிலத்தின் ‘லிமரிக்’ வடிவத்தையும் / உள்ளடக்கத்தையும் [லிமரிக்கில் பயின்று வரும் இயைபுத் தொடையை 1 (முதல்) மற்றும் 3 (இறுதி) அடிகளில் இணைத்து] ஜப்பானிய ‘ஹைக்கூ’வின் வடிவத்தையும் இணைத்து 3 அடிகள் கொண்டு ‘லிமரைக்கூ’ என்ற புதிய தமிழ்க் கவிதை வடிவத்தை தமிழில் ஆரம்பித்து வைத்தார்.
மீராவின் குறும்பாக்கள்
ஈழத்துக் கவிஞர் மகாகவி எழுதிய லிமெரிக் கவிதைகளினால் பெரிதும் கவரப்பட்ட கவிஞர் மீரா, அதன் தாக்கத்தில் குறும்பாக்களை எழுதினார்.
லிமெரிக்கின் ஓசை இயைபுகளை மாதிரியாகக் கொண்டு எழுதப்பட்ட அக்கவிதைகள், ‘குக்கூ’ எனும் தலைப்பில் தொகுப்பாக வெளிவந்துள்ளன.
