Table of Contents

11TH TAMIL திருமலை முருகன் பள்ளு

பள்ளு இலக்கியம்

உழவர், உழத்தியரின் வாழ்க்கையில் நிகழும் நிகழ்ச்சிகளை எளிய நடையில் நயம்பட வெளிப்படுத்துவதே பள்ளுச் சிற்றிலக்கியத்தின் உட்கோளாகும்.
‘நெல்லு வகையை எண்ணினாலும் பள்ளு வகையை எண்ண முடியாது என்பர்.
வேளாண்மை இலக்கியமான பள்ளு, அரிய பல செய்திகளின் கருவூலமாக விளங்குகிறது.

கண்காணி என்பது, பேச்சு வழக்கில் கங்காணி என்று பயன்படுத்தப்படுகிறது.
கண்காணம் என்பது பயிர்த்தொழிலில் கையாளப்படும் ஒரு சொல்.
கங்காணம் என்றும் வழங்கப்படுகிறது.
இதன் பொருள், நாள் தோறும் வயலில் நெல் அறுவடை செய்து களத்தில் ஒப்படி செய்யப்படும் நெல் அளவு என்பதாகும்.
கண்காணி என்பது இந்த ஒப்படியை மேற்பார்வை செய்பவரைக் குறிக்கும்.

திருநெல்வேலி மாவட்டம் குற்றாலத்திற்கு அருகில் உள்ளது பண்புளிப்பட்டணம்.
இவ்வூர் ‘பண்பை ‘ – என்றும் பண்பொழில்’ என்றும் அழைக்கப்படும்.
இங்குள்ள சிறு குன்றின் பெயர் திருமலை. குன்றின் – மேலுள்ள முருகக்கடவுளைப் பாட்டுடைத் தலைவராகக்கொண்டு திருமலைமுருகன் பள்ளு பாடப்பட்டுள்ளது.
இந்நூலில் கலித்துறை, கலிப்பா, சிந்து ஆகிய பாவகைகள் விரவி வந்துள்ளன.
இந்நூல் ‘பள்ளிசை’ என்றும் ‘திருமலை அதிபர் பள்ளு‘ எனவும் வழங்கப்படுகிறது.
திருமலை முருகன் பள்ளு நூலின் ஆசிரியர் பெரியவன் கவிராயர்.
இவர் காலம் 18ஆம் நூற்றாண்டு.